鳳城珠記麵食專家

营业中

休息中

行完主教山，经过呢间面店，大家都有啲肚饿，我见门面光鲜，又系食我钟意云吞水饺，就入去坐低，环境普通面店格局！光猛干净！四人坐卡位，少许迫，为了之后可以食多啲，决定唔食面，见有个三宝，问清楚可以每人每款分到一粒先叫！再加个门口图片好靓嘅油菜拼鱿鱼鲮鱼球！四个人分享，好在面店都无介意！（无人头最低消费）水饺--材料多，皮薄好靓，木耳爽口，配埋猪肉同虾！好味！云吞--猪肉为主，有肉汁，皮薄滑溜，虾好细只，好味！鱼皮角--呢个好惊喜，因为我一直都唔钟意食鱼皮饺，觉得个饺皮好粉好厚！，但呢度唔会，个皮薄但烟韧，味道浓，中间馅料有肉汁好味！改变我一直对鱼皮饺嘅负面感觉！个汤底又浓又清甜，唔味精！好味！鱿鱼鲮鱼肉拼油菜，鲮鱼肉弹牙，唔粉，中间夹杂少许鱼骨碎，味道好！原只细土鱿鱼仔，比较烟韧，味道浓郁，特别，但个菜心明显煮过笼，淋晒，一啲咬口都无，好难食！店员都好亲切，唔会催促，见我哋四个人食少许嘢仲要攞碗仔分享！（碗仔系公鸡碗）一啲都无所谓！唔会黑面！上菜收碟都好好笑容！澳门特色系悠闲！