奈和美

营业中

休息中

我在银河一路行一路行，都揾唔啱食咩，揾得啱嘅又因为五一劳动节，已经冇晒位。突然间再经过大仓酒店，其实已经想过去睇几间餐厅，不过都唔啱食，所以系当我”再”经过嘅时候，见到个女仔旁边有个Menu写住轻食，望一望餐牌，系呢度啦。个个都入餐厅食，所以冇留意呢度，都以为系普通饮咖啡茶嘅大堂吧。所以我坐低嘅时候虽然系食饭时间但系得我一个。呢度嘅服务生都好有礼貌，又friendly。系张枱唔系几舒服，因为下面一条条嘅铁枝放唔到脚入去。竟然一百蚊左右可以食三款鱼生，以为会得两片同埋好薄？答案系完全相反。唔知佢嘅鱼生系咪有上面嘅高级日本餐厅攞落嚟，质素十分有水准，除咗赤身比较冇灵魂，但很新鲜，另外两款都好得。鳗鱼饭就稍为普通一点，鳗鱼香口，近皮位富弹性。 米饭还可以，没太大感觉。不过呢个饭都系一百左右，仲要响酒店，实在系好抵。