法蘭度餐廳

营业中

休息中

好中意法兰度内里嘅装修环境，好浪漫好有气氛！今次去法兰度居然见到超可爱嘅松鼠！每次去法兰度，除咗点招牌烧乳猪，讲真，真系唔知再点咩好，选择唔系好多，今次点咗个酿墨鱼。先讲酿墨鱼，墨鱼本身够新鲜够弹牙，但入面酿咗d咩呢？真系食完都食唔出！酿墨鱼汁味道系咸嘅，如果甜翻少少会更啱自己口味。烧乳猪皮薄皮脆，乳猪肉唔肥，肉质超嫩滑够味，只系猪骨多咗d。烧乳猪有薯条垫底，问佢地啰蕃茄汁，答案系无嘅，佢话薯条本身有味，事实唔需要点茄汁薯条本身都好够味。澳门餐厅有性格又见一斑！法兰度俾到我好多好多美丽回忆，感恩有你陪伴同行，谢谢！