新海灣

营业中

休息中

黎澳门一日游，点都要食返餐葡国菜，经一位澳门朋友热烈推介呢间餐厅之后，都打算黎试下。免费提供的面包:坐低之后，店员就位我地送上餐牌同埋面包，面包虽然系免费提供，但系细食加上下午已经食左好多小食既我，真系唔系好敢食，怕食唔落黎紧想食既美食，不过同行既朋友试过话面包真系相当松软呀。葡式炒蚬: 呢个炒蚬真系非常好味。d蚬好新鲜，D谷炒起后全部都开晒，入口鲜甜得黎又食到果种咸咸地既海水味。马介休球: 呢味菜系段件叫既，想食几多就叫几多只，可能因为呢个原因，所以卖相一般，可以改善一下。做法方面，其实系用薯茸酿入马介休之后再拎去炸，入口外脆内暖，食落又唔会话好漏。海鲜饭: 上台时真系会令人「哇」一声，因为卖相真系好吸引，颜色又鲜艳，海鲜饭里面有各式各样既海鲜，好似龙虾呀，蚬呀等等，汤底味道亦都好浓，似系带有少少蕃茄味既海鲜汤，加埋D饭落去真系会令人食到停唔到口。不过，呢个海鲜饭虽然话系二人份量，但系其实3-4个人食都还可以。原本都想叫样甜品试下既我地，最后都因为太饱所以食唔落啦。不过想赞既系，餐厅水准真系非常高，服务又好，连我都会再推仲俾D会黎澳门玩既朋友呀。