南記煲仔飯

营业中

休息中

澳门尾站，喺隔离食完牛杂，牛杂18:00收档就系呢度开档嘅时候。档仔风味十足，不过因为天气太热，所以都系选择坐有冷气嘅室内。一坐底，老板温馨放底一壷滚水。我哋因为今日食得太密口关系，所以两个人都只系点咗一个黄鳝煲仔饭，老板见我哋点得一个饭嘅关系，仲贴心咁即刻攞两只碗仔俾我哋。大概3个字左右，热辣辣嘅煲仔饭上枱，一打开煲盖，好香夹杂姜味，黄鳝同我喺香港食开唔同，未去骨，肉身比较淋，冇咁爽口，不过腌得好味，啲汁流咗喺饭度好香，我本人就觉得几好味，唔落豉油都够味。不过男友大人略嫌冇咩饭焦。