影片
更多
2008-10-23
74 浏览
非常喜出望外同震撼既一餐~ 经友人悉心既安排之下, 令到今次既澳门美食团可以包括呢个既 "神秘" 又 "免费" 既饭局在内, 真系可以话系 "有食神"~ 事前对金殿堂并无任何印象, 事后从友人口中才知道, 原来名厨周中师傅系该店既烹调顾问, 佢负责构思, 同另一个行政总厨合作创新菜式... 进入酒楼既时候, 见到华丽既装修, 以为该食店只与一般高级酒楼无异, 对食物的质素放心之余, 应该心里有数, 谁不知每款点心既来临, 竟然带俾我地一浪接一浪既惊喜, 当中有数款点心, 甚至可以令我地所有人咬落去第一口既时候都不禁地 "哗~" 左一声出黎, 果种惊喜既程度, 绝非笔墨所能形容!!!由于头 $800 系"免费" 既关系, 我地一行六人食到 "严重超标", 值得推介的有以下食品: 吊烧鹅肝金钱鸡 - 用了鹅肝做馅, 是比较特别和创新的做法, 肥腻感减少了, 味道亦不错, 但当然不及旧式酒楼的原装版本那种怀旧感觉来得强烈吧~ 事后才知道, 原来同晚在电视节目中, 蔡先生也介绍了这道菜式, 实在失敬失敬~ 金牌脆皮烧腩仔 - 原本对我黎讲呢样只系 "例牌动作", 冇乜特别大期望, 但当我听到
经友人悉心既安排之下, 令到今次既澳门美食团可以包括呢个既 "神秘" 又 "免费" 既饭局在内, 真系可以话系 "有食神"~
事前对金殿堂并无任何印象, 事后从友人口中才知道, 原来名厨周中师傅系该店既烹调顾问, 佢负责构思, 同另一个行政总厨合作创新菜式...
进入酒楼既时候, 见到华丽既装修, 以为该食店只与一般高级酒楼无异, 对食物的质素放心之余, 应该心里有数, 谁不知每款点心既来临, 竟然带俾我地一浪接一浪既惊喜, 当中有数款点心, 甚至可以令我地所有人咬落去第一口既时候都不禁地 "哗~" 左一声出黎, 果种惊喜既程度, 绝非笔墨所能形容!!!
由于头 $800 系"免费" 既关系, 我地一行六人食到 "严重超标", 值得推介的有以下食品:
吊烧鹅肝金钱鸡 - 用了鹅肝做馅, 是比较特别和创新的做法, 肥腻感减少了, 味道亦不错, 但当然不及旧式酒楼的原装版本那种怀旧感觉来得强烈吧~ 事后才知道, 原来同晚在电视节目中, 蔡先生也介绍了这道菜式, 实在失敬失敬~
金牌脆皮烧腩仔 - 原本对我黎讲呢样只系 "例牌动作", 冇乜特别大期望, 但当我听到身旁友人食落去既时候发出好大既 "索索" 声, 我就知道唔少野喇, 急不及待地食一件, 仲专登叫其他友人留意... 哈哈~ 真系劲脆啊!!! 果然系 "金牌" 呢~
殿堂虾饺皇 - 另一以 "招牌" 挂帅之作, 又系 "皮薄馅靓", 虾肉非常新鲜, 绝对唔会拆招牌~
月影香妃饺 - 唔好比个平凡既外表呃左, 我地成班人食晒 D 虾饺, 呢碟都仲系无人问津, 点知第一个夹起呢款点心黎食之后, 佢竟然话: "仲好食过虾饺", 我地成班即时做左 "羊群", 食完个个都一致认为好食过虾饺啊~
鲍汁鸭胸批 - 食到 "哗哗" 声之作 !! 又系唔好俾佢个平庸既外表呃到, 类似菠萝包既脆皮做到无可再薄, 一咬落口, 脆皮 + 鲍汁 + 鸭胸.... 答案咪就系等于 "哗哗声" 啰~
香芹叉烧肠粉 - 上台时见到肠粉入面既叉烧份量之多, 我地个个已经 O 晒咀... 食落去, 只可以用 "皮薄馅靓" 黎形容
蟹黄小笼包 - 因为唔食蟹既关系, 无试到小笼包, 朋友话属中上水准~
淮汤蟹粉小笼包 - 价钱系蟹肉小笼包既两倍, 仲要少一只, 但系友人又系食到 "哗哗" 声, 绝赞~!!!
高汤海鲈卷 - 几特别既菜式, 有棵条垫底, 可以连埋上汤都饮埋~ ^^
香滑芝麻卷 - 另一食到 "哗哗" 声之作, 黑芝蔴既味道同平日食到既唔同, 更有人话, 食落有幸福的感觉啊~
杨枝金露 - 另一高质既甜品, 不过友人话其味道同香港鸿 x 既出品差不多...
除左以上既推介外, 我地仲食左:
苹果叉烧酥
白花菇黑豚烧卖
金蒜鲜虾春卷
蜜汁叉烧包
荷香珍珠鸡
龙团玉绣球
碧绿东星卷
头抽一品脆烧鸡
油泡田鸡腿
姜汁炒芥兰
绿茶煎丸子
琥珀金露酥
金殿精选甜品
以上全部皆属中上水准, 值得一赞既系, 点心份量系可以随住人数而变动的, 例如我地六个人, 虾饺一笼有四件, 店员就帮我地叫左 1.5 客, 上台时每笼则分别放了三件在内, 非常体贴和窝心....
扣除 "必要开支"后, 最后每人要俾 $130, 绝对系超超超超超超超值!!!!
席间, 有朋友问我 "你咁耐以黎食得最开心既系边餐?".... 当时谂左好耐都谂唔到, 事后谂返, 唔知会唔会系呢餐呢? ^^
咁高质素既点心, 晌香港应该好难揾得到了... 以后唯有储多几个钱, 先黎呢度再 "朝圣" 吧....
张贴
