拾8咖啡

营业中

休息中

圣诞节正日同另一半过澳门玩，去到关前后街行吓，经过呢间餐厅见门口几吸引就睇吓，老板娘出来介绍全澳门独有马介休挞，见几特别，附近行多一阵肚饿就返去入坐。但坐低后见后面𠮶枱倾计都几大声，又唔好意思走，所以只系叫左两个挞同一个pasta就算。但食食吓𠮶枱越倾越大声，仲有几个小朋友走嚟走去，我哋俩个人想倾计都比啲声掩盖，而且嘈到耳膜都痛。😖本来想请职员处理，先发现原来枱人系老板娘啲朋友，而佢亦一样讲到兴起。见店方都咁，唯有忍气吞声快快脆脆食完走。平心而论，食品质素真系唔错，但成个经历有啲差，去食嘢都系想舒适，唔系话要好静，但嘈到影响埋其他食客，店方仲要完全冇意识到有问题，就几过份。