影片
更多
2013-10-29
5283 浏览
呢间位于十月初五街的老式茶餐厅，听过同睇过好多网友介绍，今次都系第一次帮衬。格局的确好怀旧，咖啡色木卡位、墙上或天花板的吊扇、态度麻麻地的侍应，全部好似香港八十年代的茶餐厅，至于食物的水准就好一般啦！我叫的系南屏一丁同蜜汁菠萝冰，朋友就叫红豆冰加鸡扒一丁，两人仲要左份叉烧鸡蛋三文治齐齐分享。＊南屏一丁（23 蚊）：无论中英文都唔知系乜东东，问过侍应之后，先知系叉烧火腿鸡蛋出前一丁！送上来的卖相真系好一般，叉烧同火腿煎都无煎过，鸡蛋又煎到烂烂地，加埋汤料又唔捞匀先送上来，感觉仲差过自己整！食落同样好麻麻！＊鸡扒一丁（18 蚊）：鸡扒居然系炸，不过系炸到老兼硬晒，皮又厚，四粒咁大把，飞走老硬的炸皮之后，真系无乜肉食。＊叉烧鸡蛋三文治（15 蚊）：上网见好多网友都叫呢款三文治，所以嗌来两人分享。鸡蛋夹住叉烧，蛋的分量几多，不过整得唔够滑，水准普通。一只大圆杯装菠萝冰，咁就够怀旧。点知只系一只小玻璃杯，饮落唔觉有蜜汁，只系糖水加罐头菠萝，徙料！＊红豆冰（12 蚊）：朋友唯一大赞的食物，因为佢杯红豆冰的红豆多到不得了，差不多有半杯咁多，而且豆好腍，以12蚊来讲真系超值。埋单呢餐两人只系80 蚊，
我叫的系南屏一丁同蜜汁菠萝冰，朋友就叫红豆冰加鸡扒一丁，两人仲要左份叉烧鸡蛋三文治齐齐分享。
＊南屏一丁（23 蚊）：无论中英文都唔知系乜东东，问过侍应之后，先知系叉烧火腿鸡蛋出前一丁！送上来的卖相真系好一般，叉烧同火腿煎都无煎过，鸡蛋又煎到烂烂地，加埋汤料又唔捞匀先送上来，感觉仲差过自己整！食落同样好麻麻！
＊鸡扒一丁（18 蚊）：鸡扒居然系炸，不过系炸到老兼硬晒，皮又厚，四粒咁大把，飞走老硬的炸皮之后，真系无乜肉食。
＊叉烧鸡蛋三文治（15 蚊）：上网见好多网友都叫呢款三文治，所以嗌来两人分享。鸡蛋夹住叉烧，蛋的分量几多，不过整得唔够滑，水准普通。
一只大圆杯装菠萝冰，咁就够怀旧。点知只系一只小玻璃杯，饮落唔觉有蜜汁，只系糖水加罐头菠萝，徙料！＊红豆冰（12 蚊）：朋友唯一大赞的食物，因为佢杯红豆冰的红豆多到不得了，差不多有半杯咁多，而且豆好腍，以12蚊来讲真系超值。
埋单呢餐两人只系80 蚊，唔太贵，但水准真系唔得掂，差过香港好多茶餐厅，应该唔会再帮衬。
张贴
