影片
更多
2012-08-18
21815 浏览
这是澳门之旅的第二天，来到住酒店送的自助餐沨竹。一去到，个侍应同我地讲话无位，要等四十五分钟，如果唔想等就食其他野啦……我想讲我地唔系全部送架㖞，有一半系自费，而加咩态度？赶客？点都好，都已经book左位又比埋钱无理由唔食，行多阵街再返黎，终于有位，入面个环境都几好，好阔落，而且无乜人，唔使惊争食。Free drink一杯，叫左冻柠檬茶，呢道啲饮品糖同奶都系自己落，啱哂我呢啲钟意走甜嘅人，不过饮奶茶嘅人赚啲奶唔滑，唔好饮㖞。先黎碗白粥，加咸菜花生油炸鬼，好绵，正。再黎寿司鱼生，鱼生只有三文同呑拿，都几新鲜，厚切大大片。寿司就唔得啦，啲饭散又无醋味，入面又唔知夹咩料，要左一次就无encore了。沙律只是西生菜，完全唔掂。仲有立立杂杂食左春卷，炸馒头，咖喱，杂菜等，不过不失。到我至爱嘅甜品时间啦，虽然无之前间自助山咁好食，都ok啦。雪糕呢道系自己笔，见家长抱起小朋友搞黎搞去，仲用手掂过，所以无食。cheese cake唔够芝味，木槺布甸太少木槺，好漏。brownie几好，重朱古力。椰汁黑糯米好食，又香又有咬口。rasberry pudding好味，酸酸的，食左咁多甜中和下。再黎焦糖布丁，要
一去到，个侍应同我地讲话无位，要等四十五分钟，如果唔想等就食其他野啦……我想讲我地唔系全部送架㖞，有一半系自费，而加咩态度？赶客？
点都好，都已经book左位又比埋钱无理由唔食，行多阵街再返黎，终于有位，入面个环境都几好，好阔落，而且无乜人，唔使惊争食。
Free drink一杯，叫左冻柠檬茶，呢道啲饮品糖同奶都系自己落，啱哂我呢啲钟意走甜嘅人，不过饮奶茶嘅人赚啲奶唔滑，唔好饮㖞。
先黎碗白粥，加咸菜花生油炸鬼，好绵，正。再黎寿司鱼生，鱼生只有三文同呑拿，都几新鲜，厚切大大片。寿司就唔得啦，啲饭散又无醋味，入面又唔知夹咩料，要左一次就无encore了。
沙律只是西生菜，完全唔掂。
仲有立立杂杂食左春卷，炸馒头，咖喱，杂菜等，不过不失。
到我至爱嘅甜品时间啦，虽然无之前间自助山咁好食，都ok啦。
雪糕呢道系自己笔，见家长抱起小朋友搞黎搞去，仲用手掂过，所以无食。
cheese cake唔够芝味，木槺布甸太少木槺，好漏。brownie几好，重朱古力。椰汁黑糯米好食，又香又有咬口。rasberry pudding好味，酸酸的，食左咁多甜中和下。
再黎焦糖布丁，要吃！蛋香又滑，上面嘅焦糖没过甜，好好味。卖相好cute嘅椰子味绵花糖，加上半溶嘅朱古力酱，超甜，只吃了一口就顶唔住了。
讲完食又讲下服务……其实我地一坐落就问攞筷子，因为攞叉食寿司鱼生真系唔得，第一个侍应叫等阵，等左十五分钟再叫，第二个话攞紧，又等十几分钟，再叫……第三个话通知左同事，眼尾都无望过黎。火都黎，自己出去counter都摷，一打开个柜就有攞。有侍应劲紧张，喝止我地，叫我地唔攞得，呢道系侍应先掂得。我同佢讲要十四对筷子，佢问点解咁多，因为我地十四人啰，十四人要十四对？我答系呀，再问真系要咁多？一人一对唔得？唔通要一人一只share用？？
食到中途好似跟尾狗咁跟住你叫比钱埋单，一路跟到出去攞食物，埋位企你隔离。我话我地一早订左位，已经比左尾数，比左一千蚊，系你地未找钱，个侍应即刻改口话要找咁大面额要揾返落单本人……咁兜都得？本人坐我隔离咋㖞，找得未？跟住个侍应话去check单，一去无回头。
黎食野啫，唔使当人系贼呀？我地又无攞完野唔食，一啲都无浪费，都仲要咁嘅眼光。火！
张贴
