影片
更多
2009-10-27
355 浏览
呢度系我地一行四人，两日一夜既澳门之旅，第一晚既晚餐。会选择食观光塔既dinner buffet，全因为我地其中一个系塔皇，佢无塔不欢，马来西亚观光塔、双子塔，星珈玻文华酒店顶楼(可俯览星城风景)，海洋公园会转观光塔，佢都唔放过！加上佢未去过澳门呢个观光塔，所以佢又点会放过呢个机会？ 而我自己唔系第一次上观光塔游览同食呢间旋转餐厅，所以问心，要分开比上去观光既钱同食唔系特别好食但价钱唔平既buffet，唔系有套票，我唔会去啰… 我地既套票，系0系明星旅游到online买，Turbo Jet来回船票+上观光塔58及61楼观光楼层入场券 + 观光塔楼旋转餐厅dinner buffet，因为我地回港系夜船，所以要加钱，承惠每位$600。实则唔系平好多，你当呢个价钱观光楼层入场券系免费，buffet 95折到！去到见d大多沿窗边排，都系既~~~黎呢到系食个环境，如果系为食个buffet就唔抵喇，所以，我地亦坐系窗边。for your information, 大多数系旅行社买package食呢个buffet都可以安排到窗口位！食物种类不过不失，多全属大路热盘冻盘，有即叫即渌粉面，甜品，寿司鱼
而我自己唔系第一次上观光塔游览同食呢间旋转餐厅，所以问心，要分开比上去观光既钱同食唔系特别好食但价钱唔平既buffet，唔系有套票，我唔会去啰…
我地既套票，系0系明星旅游到online买，Turbo Jet来回船票+上观光塔58及61楼观光楼层入场券 + 观光塔楼旋转餐厅dinner buffet，因为我地回港系夜船，所以要加钱，承惠每位$600。实则唔系平好多，你当呢个价钱观光楼层入场券系免费，buffet 95折到！
去到见d大多沿窗边排，都系既~~~黎呢到系食个环境，如果系为食个buffet就唔抵喇，所以，我地亦坐系窗边。for your information, 大多数系旅行社买package食呢个buffet都可以安排到窗口位！
食物种类不过不失，多全属大路热盘冻盘，有即叫即渌粉面，甜品，寿司鱼生bar，自助冲热饮bar。
因无咩特别，我亦唔特别每个甘讲，睇返第一张相，我由冷盘食起，由时位顺时针数，冻虾、烟三文、椒丝牛柳丝沙律、竹笋鸭丝沙律、苹果沙律、自助菁菜沙律、乡村面包片。
冷盘中值得一提既系，冻虾同椒丝牛柳丝沙律比较好，椒丝牛柳丝沙律就几特别，冻虾就处理得好清洁同够爽，但无咩虾味。但自助菁菜沙律菜既款式少，仲要唔太新鲜，沙律酱只有大路既选择。烟三文仲超咸！ 寿司鱼生，唔多款式，亦唔肥美，比较逊色。
餐汤方面：是晚餐汤系葡式薯蓉白汤，及中式人参汤，我对人参汤无咩兴趣，无试到，而个白汤…唔知系个葡式既问题，定系个薯蓉有问题，总之我唔钟意呢个白汤。难听d我宁愿饮生粉白汤。而d餐包，唔香，唔软，唔好食。
热盘方面，睇返第三张相，由长通粉超起，顺时针睇，茄汁长通粉、carbonara蝴蝶粉、马介休炸球，葱蛋鱼肉小食、葡国鸡、露笋猪肉卷、小棠菜焗牛肉、葡式焗鱼、中间既系白汁焗薯片。 即叫即渌粉面，系有清汤或La Sa汤底、有河粉、米粉，配料有丸，虾，云吞、菜。但大多唔refill，因为我想食碗米粉时都无…
热盘中值得一提既系，中间既白汁焗薯片同小棠菜焗牛肉。白汁焗薯片既白汁好creamy同奶香，佢既奶香竟然比carbonara蝴蝶粉既汁更rich！而个小棠菜焗牛肉既汁几好，牛肉几滑。但个马介休炸球又系超咸，无味，茄汁长通粉太林…
甜品&自助冲热饮bar：甜品系cookies，蛋糕，jelly，迷你葡挞，同雪糕。迷你葡挞ok~ 而雪糕有四种味选择，其中特浓朱古力好正！真系超浓！朱古力痴唔好错过！自助冲热饮bar有咖啡、奶茶、柠水、柠茶
总括而言：唔系难食到反既，食得饱你啰！所以如果想食好野，唔好黎呢度~~ 睇你想试下旋转餐厅定睇风景啦，坐附近既小朋友好钟意旋转餐厅la~~，可选择食lunch buffet，食既野差唔多但平d！如果只想睇风景，我会选择上58及61楼观光楼层！入场费都系$90
张贴
