新帆船餐廳 (已結業)

去到澳门，例必要去食番餐葡国菜，因赶住睇SHOW，要提早食晚饭，所以唔使等位，入到去得一两枱客，餐厅布置好有葡国色彩，哈﹗又有啲似只船；今次坐近窗口，够光猛开扬。今次点咗一个头盘，两个主菜SHARE嚟食；头盘烧沙甸鱼，主菜薯条炒马介休同红酒烩牛尾。首先上嘅菜唔系头盘，而系薯条炒马介休，马介休加埋薯条火腿鸡蛋洋葱炒过，咸咸香香，最正就系薯条炒过仲保留少少脆，热腾腾上碟，非常惹味。第二道上嘅系烧沙甸鱼，烧到火候啱啱好，卖相唔错，闻就有点腥，食落肉质鲜美，完全冇腥味，正﹗最后上红酒烩牛尾，较前两道菜逊色，味道和卖相不过不失；跟心形白饭，好浪漫噢﹗要加分。