影片
更多
2018-12-11
3227 浏览
去左澳门几日都系食中菜或西餐，终于系走之前揾到时间食葡国菜啦~😋我地拣左呢间系官也街隔离地堡街既呢间波尔图，贪佢多人推介，应该都唔会差得去边挂。我地11点零到准备食中午，佢11点半开门，我地做左佢今日第一枱客人。入到去餐厅入面发现佢地方唔大，四四正正的摆布，我地被安排坐系靠墙的四人枱，都几阔落。佢既装修都唔系新既，有D 90年代风味😂不过环境都系干净既，咁就冇咩所谓啦。我地见餐牌入面的套餐唔算好啱食，所以就散叫左我地想食既野 – 都系不外乎个几样，就系炸马介休球、乳猪🐷焗饭，男友钟意食蚬，所以拣左个柠檬白酒煮蚬，同埋呻左个菜，两个人食都好够了。先叫左饮品，男友点左个澳门啤酒试下，佢话都几有麦味，都叫正正常常。先来左个炸马介休球，我地两个都好期待~ 一来我地冇食早餐，所以特别肚饿! 佢系刚刚炸好所以好热，但食入口又唔会好油，有D似焗薯波，但又好香! 而且一咬落去D薯仔好软熟好香，马介休味会食入口之后出黎，唔会太浓但又会提升到个薯香味! 加上佢细细粒可以一口食，正!😍之后黎既柠檬🍋白酒煮蚬都好好! 难得唔系以忌廉去煮为主，清清地仲啱我食! 个柠檬味唔系好重，但刚好可以去左海鲜既腥味。而且蚬
我地拣左呢间系官也街隔离地堡街既呢间波尔图，贪佢多人推介，应该都唔会差得去边挂。我地11点零到准备食中午，佢11点半开门，我地做左佢今日第一枱客人。
入到去餐厅入面发现佢地方唔大，四四正正的摆布，我地被安排坐系靠墙的四人枱，都几阔落。佢既装修都唔系新既，有D 90年代风味😂不过环境都系干净既，咁就冇咩所谓啦。
我地见餐牌入面的套餐唔算好啱食，所以就散叫左我地想食既野 – 都系不外乎个几样，就系炸马介休球、乳猪🐷焗饭，男友钟意食蚬，所以拣左个柠檬白酒煮蚬，同埋呻左个菜，两个人食都好够了。
炸马介休球
153 浏览
0 赞好
0 留言
先叫左饮品，男友点左个澳门啤酒试下，佢话都几有麦味，都叫正正常常。
先来左个炸马介休球，我地两个都好期待~ 一来我地冇食早餐，所以特别肚饿! 佢系刚刚炸好所以好热，但食入口又唔会好油，有D似焗薯波，但又好香! 而且一咬落去D薯仔好软熟好香，马介休味会食入口之后出黎，唔会太浓但又会提升到个薯香味! 加上佢细细粒可以一口食，正!😍
之后黎既柠檬🍋白酒煮蚬都好好! 难得唔系以忌廉去煮为主，清清地仲啱我食! 个柠檬味唔系好重，但刚好可以去左海鲜既腥味。而且蚬肉都洗得干净同几大粒，食落除左有柠檬白酒味，个蚬肉鲜味都好出。
葡式乳猪酿饭都好食，虽然乳猪🐷系偏油左少少，但个肉质又真系几嫩，同埋好似佢个饭就唔系太索油! 可能肉比较油，所以建议可以比例上减少D，或加多少少饭会更好。
马介休炒西兰花🥦都好食，两者几夹，如果卖相再整靓少少会更好。不过佢个味道唔错，而且佢唔太油腻，配返个乳猪食都几夹。
柠檬白酒煮蚬
130 浏览
0 赞好
0 留言
西兰花炒马介休
105 浏览
0 赞好
0 留言
焗乳猪酿饭
92 浏览
0 赞好
0 留言
张贴
