影片
更多
2017-01-15
6406 浏览
呢间西湾安记近近地，亲友话都唔错，环境就似啲旧式茶餐厅，佢地嘅热奶茶系每人一个壶仔，有个茶隔自己冲出黎，不过我就拣左冻奶茶，但原来冻奶茶嘅冲法又唔同啲，所以出黎效果无咁好，感觉茶味无咁浓之余奶多咗小小澳门系葡国菜出名，所以就算小餐厅都会有小小葡国菜点下，例如牛尾汤咁，我就拣左个牛尾汤通，而呢个又真系要赞一赞，佢浓过杂菜汤，每一粒通粉都夹杂牛尾汤，佢嘅配菜就系一旧旧嘅牛尾，牛尾肉稔入味，一个牛尾汤通25蚊，其实都算抵食！再黎就系见枱枱都有人叫猪扒饱，我都唔执输叫返个，面包系热辣辣嘅猪仔包，但就好松化嘅，猪扒入味仲好厚肉，最好嘅就梗系佢无骨，可惜嘅系佢地用炸嘅方式，系香囗啲不过略为热气
张贴
