柏林頓班戟 (已結業)

上次我地去嘅係東方斜巷店，鬆餅相當出色，而且份量唔少，今次過去澳門就去左近白馬行分店，試埋小店嘅鹹食班戟。柏林頓班戟屋位於小巷中，位置較癮蔽，但門面就幾亮眼。餐廳裝潢花過心思，靠近門口係比較悠閒嘅梳化位置。韓式芝士粟米辣雞荷蘭餅 $75我地非常推薦呢款味道嘅荷蘭餅，賣相已經好吸引，睇落似薄餅，其實係班戟底，周邊做到又薄又脆口荷蘭餅配料豐富，有雞肉、粟米粒、生菜絲，芝士，以韓式辣醬調味，份量頗多。食嘅時候先切開一件件，由中間向外卷，直接揸住食更爽，口感有pancake嘅元素，邊位脆口，加上辣雞味道突出，惹味非常！配合生菜絲、粟米粒，除左可以增添口感，同時減輕肥膩感，兩個人食清光覺得飽，但完全唔會滯，計番價錢仲覺得好抵食。芝士軟殼蟹格仔餅(窩夫) 配 現炸薯角及芝士醬 $79賣相相當吸引，以軟殼蟹為主角，用兩件格仔餅夾住，類似漢堡造型；加上薯角、沙律，同樣都係抵食之選！格仔餅實心有份量，軟硬適中，唯獨爭少少蛋香。軟殼蟹size一啲都唔細，有霸氣，食落脆口，值回票價！芝士汁由於採用水牛芝士，較為軟身，容易做成拉絲效果，不過味道相對唔會太濃烈。薯角有驚喜，熱辣辣即時炸起，非常香脆，就算唔係即時