大良李禧記崩沙

营业中

休息中

我地食完「六记」之后，沿著下环，再转入十月初五街一直往前走，途中大汗叠细汗(我最惨，著咗恤衫西裤，差啲溶咗)，终于嚟到我地食饭后甜品嘅目的地 - 「大良李禧记」食焞奶。听朋友讲呢度嘅姜汁撞奶是十分出名嘅。(注：到澳门揾食嘅朋友要留意，到旧区揾食最紧要就系要抵得热，虽则澳门食肆都装有冷气，但唔好以为好似香港咁劲，行到身水身汗，入到里面唔系一时三刻可以「冷却」落嚟)由于朋友食过「姜汁撞奶」，佢今次转食「冻双皮奶」。「冻双皮奶」份量唔系好多，我朋友仲讲笑咁讲，「双皮奶」话明系双，系咪分开两盒嚟装。另一方面，老板娘攞咗几旧姜去榨汁，同奶撞埋一齐，谁也抢不了谁嘅风头，既有牛奶嘅香滑味，入口仲有一股姜嘅鲜辣，几醒神可口，与驰名嘅「义顺牛奶」可谓不相伯仲。虽然食到汗流挟背，但再有得选择嘅话，我仍然会唔理汗水，到呢度食佢嘅「姜汁撞奶」。食饱之后，友人提出挑战，提议再到令一间甜品店食多转，我无惧挑战，踏上征途。