譚家魚翅

营业中

休息中

系澳门𠮶度食鱼翅其实都几出名下，特别系几间较出名嘅鱼翅店，特别多人提起。而我比较钟意食嘅就系呢一间谭家鱼翅，钟意佢个汤底嘅味道，甚至多过佢嘅鱼翅。佢个汤底嘅味道有啲酒香，但系饮落去唔会有种好呛喉嘅感觉，鲜鲜甜甜咁样，真系唔知点样整到。而鱼翅其实我嘅知识唔多，亦都唔系特别钟意食，所以每一次嚟到呢度就系食最平嘅＄55嘅石锅鱼翅就已经好满足。一碗55元，佢就买会有二两嘅鱼翅，大概有1.5块左右，食落去鱼翅已经整到好淋，真系好有翅嘅味道，但又冇腥味，另外仲会有芽菜同埋莞茜一齐配上，唔会甘斋。今日就比平时叫多咗一个套餐，佢个套餐有一个鱼翅，一个包汁时菜，一只10头嘅鲍鱼，一件冬菇，一碗白饭，仲有个椰汁炖官燕。整个套餐系＄198一个人份量。讲真呢个一个人份量其实都几足够，特别要提一提嘅就系佢𠮶个包汁，其实无论系时菜或者鲍鱼佢都系同𠮶个汁，好有鲍鱼嘅鲜味，蚝油嘅香，再加上花胶嘅㾾口，应该系一啲炆咗好耐嘅陈年包汁，所以啲乜嘢都咁好食。不过我都系最钟意食＄55嘅鱼翅，呢个价钱来讲一个人如果可以食到两个都系＄110，系最抵食。但系最唔中意就系唔知几时开始，一定会比啲杏仁饼同埋一包纸巾你，咁当然系要收钱啊。