影片
更多
2009-11-02
26 浏览
9月6日, 豪住MGM, 所以我地一觉训醒就落去食个丰富早餐先! 酒店嘅环境本身已经好靓~ 连餐厅内里嘅装修都十分有style~ 仲有一大个open kitchen, 等你一入都去已经闻到新鲜食物嘅香味!::: 沙律冷盘 :::沙律款式唔多, 但d菜就好新鲜! 另外仲有3、4款冻肉如火腿、烟肉、烟三文鱼同埋d番茄、粟米、松子仁、面包粒、芝士等~::: 西式热盘 :::其中最吸引嘅就系即整蛋物!! 煎、炒、奄列乜都得~ 仲有火腿、磨菇、洋葱、番茄、芝士、青红椒等比你配搭~ 厨师手势好好~ 我个奄列又大又软~ 好好味!另一个推介系蜜糖烧猪脾~! 一大只猪脾即叫即切, 仲可以拣mustard或苹果酱~ 猪脾微微带甜肉质颇嫩, 一早起身食到d咁啖啖肉嘅野真系开心~另外一列排开嘅西式早点烟肉、火腿、鸡肉肠、猪肉肠、焗番茄、炒磨菇、茄汁豆… 你完全系可以整番一个full English breakfast出黎! ::: 中式点心 :::一笼笼点心叠起好有旧酒楼风味~ 我地食咗烧卖同叉烧饱, 味道亦不错! 白粥底够厚够绵, 仲有大把料如肉松、瘦肉、皮蛋、咸蛋、油炸鬼、菜甫、葱粒等比你加~ 好好味!:
::: 沙律冷盘 :::
沙律款式唔多, 但d菜就好新鲜! 另外仲有3、4款冻肉如火腿、烟肉、烟三文鱼同埋d番茄、粟米、松子仁、面包粒、芝士等~
::: 西式热盘 :::
其中最吸引嘅就系即整蛋物!! 煎、炒、奄列乜都得~ 仲有火腿、磨菇、洋葱、番茄、芝士、青红椒等比你配搭~ 厨师手势好好~ 我个奄列又大又软~ 好好味!
另一个推介系蜜糖烧猪脾~! 一大只猪脾即叫即切, 仲可以拣mustard或苹果酱~ 猪脾微微带甜肉质颇嫩, 一早起身食到d咁啖啖肉嘅野真系开心~
另外一列排开嘅西式早点烟肉、火腿、鸡肉肠、猪肉肠、焗番茄、炒磨菇、茄汁豆… 你完全系可以整番一个full English breakfast出黎!
::: 中式点心 :::
一笼笼点心叠起好有旧酒楼风味~ 我地食咗烧卖同叉烧饱, 味道亦不错!
白粥底够厚够绵, 仲有大把料如肉松、瘦肉、皮蛋、咸蛋、油炸鬼、菜甫、葱粒等比你加~ 好好味!
::: 面包酥饼 :::
超出色嘅pastry!! 虽然系整好咗摆系度, 而且已经唔系热辣辣, 但d包仲系十分松软, 蛋糕好香牛油蛋味~ 另外我要咗个fruit tart, 系劲脆!!! 而且睇到超多层酥皮咬完识得弹番起~ 好神奇!! D生果够fresh, pastry甜度适中, 虽然份量唔细但我成个食晒!!! 因为实在太好食啦~~~!
唔少得嘅仲有大量各式面包, 你可以烘多士, 搽牛油, 配cheese platter食亦得~ 最有诚意嘅系每张台上面都有一set 5樽全新嘅jam比你搽包… 极想试晒佢地! 不过因为佢地系全新的, 每樽试一啖好似好过份… 但我相信有人系会拎走d jam…
::: 鲜果乳酪 :::
想健康d, 呢度仲有独立包装嘅唔同味道乳酪放在冰上任君选择! 仲有新鲜生果, 原支益力多, 各式cereal, 鲜奶, 果汁… 太多喇~ 不能尽录!
如此丰富早餐仲包一杯餐茶, 真系不论肚仔定心灵, 一大清早就满足晒!! 如果唔系因为叹完早餐仲要去楼上个infinity pool晒下太阳, 真系会食到唔舍得走~
张贴
