Hello Kitty Obrigado (已結業)

话说澳门开左Hello Kitty Obrigado专门店之后，我就已经劲想去潮圣。不过暂时大肥猪都未有计划想我地再去澳门玩，所以一直都只得个想字！虽然未可以去潮圣，不过系澳门返工嘅细路就买左几盒Hello Kitty杏仁饼俾我地食呀~哈哈哈...细路仲买晒四只味道俾我地试下呀~除左有原味之外，仲推出左绿茶、咖啡及朱古力味，我都系第一次食依三种味嘅杏仁饼，所以都有少少期待呀~话明系Hello Kitty杏仁饼，又点少得个Kitty头同蝴蝶花花呢，真系未食都已经好兴奋啦~哈哈哈...为食嘅小小猪又点会唔想食埋一份呢，佢见我影相时都已经好心急要食啦~味道方面又如何？或者我个人比较先入为主，始终都系觉得原味系啱我口味多啲，新出𠮶三种味唔系话唔好，只不过食落都总系觉得同杏仁饼好似唔多夹咁。所以话呢...始终都系传统啲好，新嘢都系留俾啲年轻人去试啦...哈哈哈！