萬豪中菜廳 (已結業)

澳门朋友介绍这间中菜厅，话抵食又好味，当然要黎试下，因为黎澳门通常都住巴黎人同银河，好少会黎JW这边，座低见到个餐牌都吓亲，5星中菜厅竟然两百蚊都唔驶就有咁多嘢食。先讲， 珊瑚翡翠希子饺，三色分明，咬落去带子弹牙，带子亦新鲜，好正。鲍鱼烧卖，两者好夹，平时好少食到，口感一流。跟住，这个蟹子虾饺皇，皮薄多料，见到好晶莹剔透，虾好新鲜。跟其他酒楼系有分别。而叉烧同油鸡都系水准之上， 叉烧肥瘦分明，烧到刚刚好。干炒牛河，炒得好，够干身，唔油，牛亦爽口。娃娃菜，汤汁清甜。叉烧肠粉，皮薄，旧旧都肉，叉烧唔硬。最后有流心朱仔包，整得好精致，唔舍得食，内里仲好热，流沙好浓郁，带点甜，好食。所有味道都好回味，值得再试，希望疫情快d过去，可以再黎澳门食好嘢。餐牌同装修都好华丽，配得上5星酒店。