【國際新食力】日本橫濱拉麵女子博覽

如果有睇過漫畫或者日劇《愛吃拉麵的小泉同學》嘅話，就知道日本人對拉麵嘅狂熱係唔分男女年齡或者時間嘅...只要你想試，一大早兩個女仔去食拉麵都得！嚟緊日本橫濱將會舉辦拉麵女子博覽，總共有15間人氣拉麵店參加，男女都可以免費入場，而且拉麵劃一￥900一碗！

雖然你未必有《愛吃拉麵的小泉同學》當中嘅小泉同學個胃咁大，但如果係鐘意日本拉麵或者想研究拉麵文化嘅女士，不妨拉埋三五知己一齊去呢個博覽會，今年博覽有15間拉麵店參加，免費入場。而且唔單止係女士，男士一樣免費。

喺呢個博覽裡面可以一站式試哂唔同人氣拉麵店嘅招牌拉麵，而且當中仲有博覽限定口味！

今次係第二屆嘅拉麵女子博覽，睇返舊年第一屆嘅盛況，的確有唔少女士捧場。而且所有拉麵劃一都係￥900一碗，試多幾款都唔會太肉痛，而且食到好拉麵嘅嗰種滿足感，唔係就咁用錢嚟衡量嘅。

ラーメン女子博 -Ramen girls Festival-
活動日期：2016年3月17日至21日
地址：神奈川縣横浜市中區新港1-1 横浜紅磚倉庫活動廣場

資料來源：ラーメン女子博 '16 -Ramen girls Festival-

隨時接收最新資訊
讚好OpenRice專頁！