【國際新食力】輪到日本人葡萄翻轉頭？台灣麥記雙茶新地

開飯仔介紹過唔少日本限定「好西」，但如果以為日本人有咁多美食就唔會嫉妒其他地區限定就錯喇。例如台灣麥當勞最近就有個新地區限定令唔少日本遊客都特別去試！呢個叫雙茶花聖代嘅新地，究竟有咩咁吸引？

蔡蔡ⓢⓗⓐⓝ🦄️（@ape7739）張貼的相片於 2016 年 9月月 11 4:14上午 PDT 張貼

講起茶，你可能會先諗起日本嘅抹茶，但其實台灣嘅茶文化亦發展得相當蓬勃。台灣麥當勞今次就將阿薩姆紅茶整成茶凍，再喺軟雪糕上面加入台茶18號茶粉，所以取名雙茶。

@sweetdevil903 張貼的相片於 2016 年 9月月 11 9:30下午 PDT 張貼

台茶18號係台灣自己培育嘅茶種，係一種帶淡淡肉桂同薄荷特別香味嘅紅茶。唔少人試完話茶粉保留咗濃郁茶香，同軟雪糕好夾！

陳奐嘉（@huan_chia）張貼的相片於 2016 年 9月月 19 3:19上午 PDT 張貼

另一方面阿薩姆紅茶凍嘅茶味相對較淡，但QQ嘅口感同甜而不膩嘅味到幫呢杯雪糕加翻唔少分。

Joyce（@joycetzen）張貼的相片於 2016 年 9月月 19 4:40上午 PDT 張貼

新地杯會送多一條牛奶捲心酥，不過亦有人食完覺得雙茶新地本身已經夠甜，食埋捲心酥就太甜啦。

另外仲有雙茶麥旋風同雪糕Pancake兩個選擇。又有台灣特色又好味又可以影相呃Like，可以話係一次過滿足哂三個願望！