My Melody當然唔係第一次開期間限定主題Cafe，但今次就係同好朋友一齊開。邊個好朋友？Hello Kitty？布甸狗？通通唔係！因為今次係為咗慶祝漫畫雜誌《なかよし》創刊60周年，所以搵嚟經典人氣作品「おはよう！スパンク」嚟同Melody Crossover。

卡通主題Cafe當然唔少得特別造型嘅料理，呢個飯就直接整到成個Melody大頭咁。Fans會唔會唔捨得食？

唔知係咪知道女孩子嘅甜品胃隨時大過正餐胃，今次Cafe嘅甜品選擇比鹹食嚟得多，最得意嘅要數呢個Pancake Set，有埋支朱古力筆畀你，想畫多個Melody得，寫自己個大名瘋狂Selfie亦得，得咗。

另外亦有無得輸嘅蛋糕同芭菲，因為感覺最多係忌廉多咗啲或者色素多咗啲，但味道方面應該最安全。

最後仲有兩杯特飲，同朋友一人一杯啱哂。當然，首先你要......有一張去日本東京嘅機票，同一位肯同你一起去嘅朋友仔或者另一半啦。

info
なかよし60th×マイメロディカフェ
活動日期：2016年7月15日至8月31日
地址：東京都千代田區丸之內2-7-2 JPタワーKITTE 4F

資料來源：ファッションプレス