想喺尖沙咀食到唔同國家嘅美食，但又唔想食得太貴？新港中心嘅地庫就匯聚咗多個東南亞國家，包括日本、韓國、新加坡等地嘅美食，而且呢期仲有飲食優惠添！即日起至12月31號，凡喺商場「指定」食肆消費，就有機會得到商場嘅購物現金券㗎喇！以下介紹嘅呢幾間都有優惠。

日本壽司卷物    峰壽司

壽司不外乎就係一嚿飯再加多嚿魚生，但呢間壽司店就喺呢個設定裡面都可以創作出多種變奏，例如好似「特大壽司三點盛」咁，就件件都成18cm咁長，而「辛辣龍之卷」就除咗有炸蝦、飛魚子、鰻魚汁同明太子醬外，仲特地撒上薯片碎，增加食時嘅脆卜卜口感。

峰壽司
地址：尖沙咀廣東道30號新港中心地庫R2號舖
電話：2111 1630

台灣鐵板燒      圓鐵板燒

大食代內都有鐵板燒，坐喺度望住師傅即席表演煎煎炒炒咁，視覺同嗅覺都比味覺早一步得到滿足。牛魔王嚟到嘅話唔使煩，一於揀「牛魔四重奏」，二人前嚟嘅，一個set包晒安格斯肉眼扒、安格斯牛小排、黑椒牛柳同香煎薄燒牛舌幾個唔同部位，畀你一次過享受幾個唔同嘅選擇！

圓鐵板燒
地址：尖沙咀廣東道30號新港中心地庫R1號舖
電話：2111 1672

新加坡冬日暖飲    土司工房

呢間新加坡餐廳，主打各款叻沙、咖喱飯同toast box等等，充滿南洋風味。嚟緊天氣開始漸漸轉涼，食碗熱辣辣嘅叻沙之餘，都會想飲番杯熱飲暖下身。佢哋就特地推出咗兩款冬日暖飲，分別係蜂蜜紅棗杞子茶同薑汁奶茶，前者滋潤，後者薑汁更有驅寒之效。

土司工房
地址：尖沙咀廣東道30號新港中心地庫18號舖
電話：2111 1961

四川麻辣燙      涮香菜園

呢間可以話係專為各位辣椒仔女而設，行過都會聞到麻辣燙嘅香味，係會忍唔住想篤番幾串。牛𦟌、牛柏葉、肥牛、腸類、肉類、菜類、菇類、丸類、海帶、蕃茄同黃帝菜……各種吸辣力特強嘅材料任揀，辣度亦由小辣到麻辣都有。

涮香菜園
地址：尖沙咀廣東道30號新港中心地庫6號舖大食代
電話：2111 1961

日本蛋包飯   一本日式蛋包飯

呢間餐廳主打蛋包飯，其中最吸引嘅應該係呢個由澳洲和牛扒、吉列炸蝦組合而成嘅蛋包飯，先有茄汁底，再喺面頭淋上燒汁同芝麻沙律醬，令到味道更為豐富惹味。而且份量頗大，包飽肚。

一本日式蛋包飯
地址：尖沙咀廣東道30號新港中心地庫14號舖大食代
電話：2111 1961

新加坡海南雞     三巡小廚

講起新加坡，總會諗起海南雞飯，呢間有得食，仲要有得揀鴛鴦雞套餐，即係一半海南雞、一半燒雞，加多碗油飯同當歸雞湯。啲雞肉係幾嫩滑嘅，點埋醬就再開心仔啲。

三巡小廚
地址：尖沙咀廣東道30號新港中心地庫1號舖大食代
電話：2111 1961

韓國石頭飯   韓國屋

掛住OPPA嘅就不如去住呢間韓國餐廳，止住癮先。泡菜鍋、韓式湯麵、石頭飯等都有選擇，好似呢個石頭雜錦牛肉飯咁，就夠晒熱嘞，啲料鋪到滿滿der，牛肉、紫菜、蘿蔔絲、重點係隻窩蛋，撈勻，食得！

韓國屋
地址：尖沙咀廣東道30號新港中心地庫3號舖大食代
電話：2111 1961

中西甜品     Sweetscoop

食完正餐想食番round甜品嘅，唔使行得遠周圍搵，大食代入面一樣有。呢度嘅甜品中式西式嘅都有，咁見天氣涼涼地，叫番碗熱嘅中式糖水，好似熱芋頭西米露咁都唔錯。

Sweetscoop
地址：尖沙咀廣東道30號新港中心地庫15號舖大食代
電話：2111 1961

特色飲料     Quenches 

作為一個美食廣場嘅水吧，呢度的確有好多款選擇，就連家下嘅大熱珍珠奶茶都有得飲，想要小清新感覺嘅就青檸梳打咯。

Quenches
地址：尖沙咀廣東道30號新港中心地庫16號舖大食代
電話：2111 1961

「秋冬暖意滋味賞」消費奬賞
日期：即日起 至12月31日
時間：中午12時至晚上10時
地點：尖沙咀廣東道30號新港中心1樓顧客服務中心(鄰近110號舖)
詳情：於新港中心指定「食肆」商戶以電子貨幣消費滿$500及讚好/關注商場社交媒體網站，即可免費換領「新港中心HK$50購物現金券」乙張。名額：共600份 （每日數量有限，先到先得，換完即止。）
詳情請參閱：https://goo.gl/131VD3

特約分享：新港中心