走在cafe 最前線：平衡心靈的密碼
要揭開奧秘，小編好奇訪問了cafe的餐廳經理Tony（下圖左）與其中一位侍應朋友Tammy（下圖右），究竟，當中有何意思？
一問Tony，方知這間cafe是由新生精神康復會（下稱「新生會」）推出的其中一間社企餐廳，採取自助形式售賣輕食，「我哋本身前後有4間cafe，呢間就最新嘅，提倡有機、健康等理念，而呢一間我哋會加入好多『靜觀』（mindful）元素，而330係取其諧音『身心靈』咁解。」由2011開始，新生會推出了「330」的社企品牌，主張身心靈健康，cafe330就是其中一個例子，簡單一個數字，理念卻又融入於環境設計與食物當中。
枱面上，會看到一些簡單信息，又或可到特色的主題牆前一坐，拿起牆上置入的耳機筒，聽聽由知名藝人潘芳芳小姐負責做的「聲音導航」，聆聽簡單放鬆自己的聲帶錄音，讓我們可以一邊呷咖啡食件cake，思緒又可以得以休息，做到「乜都唔去理」，活於這個moment。
同場遇見另一位機構負責人（社企業務主任）Magan亦表示，希望大家可以吃飯同時思緒不用經常遊走，「香港人成日都好緊張，呢一刻會諗做下一刻要做嘅事。而『靜觀』呢個理念，就係提提大家專注當下呢一刻，思緒唔洗四圍走。」
平衡「滋味」 神奇之地
知道了「330」的秘密後，Tony提及到這裡工作的部份培訓學員或者全職職員是精神病康復者，即是說，cafe除可一嘗身心平衡的「滋味」，也是給予人們實習發揮所長的神奇之地。
其中一位收銀員Tammy說：「呢度（今年）四月份開的，做咗幾個月，初頭嚟做嘅時候有好大新鮮感，因為同之前（四五年實習的餐廳）好唔同，以前係做水吧同埋到會嘅嘢，呢度係做收銀，初時都驚收錯錢，會有壓力，但後嚟都適應到。」掙扎過程中需要決心學習，經歷最難捱的時刻後，難關過而成長多，平衡了苦與樂，獲益不淺。
簡單滋味 有機「花」心殊不簡單
分享期間，Tammy推介了數款餐廳名物，「我好鐘意食嘢......呢度啲嘢食精緻，比如會將啲三文魚整成一朵花，啲三文治又會每日新鮮整嘅，真係好好味，我嚟到呢度都肥咗好多，（笑）而呢度啲藍莓芝士餅同埋芝麻豆腐餅、玫瑰花凍同埋流心朱古力蛋糕都好好味，嘢飲（飲品）我會推介蜜糖咖啡！」
（左圖） 像「慕」又像花，有整到成朵花的特色慕絲，分別為（左至右）：檸檬慕絲、士多啤梨慕絲及紫薯慕絲，味道清新。（右圖）一杯拉花朱古力咖啡，揀配心思蛋糕，推介有（左至右）：有機香茅慕絲、有機蜜糖桂花蛋糕及朱古力流心蛋糕。
羅勒醬煙三文魚有機意大利粉：有Tammy形容的「花花」三文魚。
後記：「330」這個心靈密碼，是一個數字提醒著我們：開飯之時，我們究竟是「食緊飯」還是「諗緊嘢」呢？
文：Jamie
相：Calvin Kwok
隨時接收最新資訊
讚好OpenRice專頁！