又到一年一度最期待嘅聖誕節喇！係時候約閨蜜們或者另一半去嘆個下午茶打下卡啦。逢聖誕節，每間酒店同餐廳都會各出奇謀推出特色下午茶，今年真係間間都好吸睛，有銀河系主題、又有可可主題下午茶自助餐，同魚子醬主題下午茶等，好豪華呀～仲有限時優惠，隨時額外低至半價就享受到！

Lobby Lounge 冬日氣氛聖誕下午茶 

雖然入到東涌有少少遠，但呢個聖誕下午茶超有冬日氣氛呢！有傳統英式鬆餅、黑森林蛋糕、鵝肝醬、自家製煙燻三文魚配小圓餅同各式茶點，配埋香濃可口嘅Venchi熱朱古力，飲完成個人都暖晒。鍾意飲酒亦可以選擇包括氣泡酒嘅set～

價錢：HKD$508連香檳 (每位一杯) / HKD $348連咖啡或茶 

THE BUTTERFLY ROOM 經典下午茶+香檳冷泡茶

呢間酒店餐廳嘅傳統英式下午茶一向都好出名，聖誕節就嚟個華麗大變身，包括傳統三文治、鬆餅以及裝滿甜蜜美食嘅手推車，所有甜品都化身成聖誕造型，好可愛。另外仲可以加配兩杯香檳冷泡茶或升級為Perrier-Jouet香檳。

價錢：加配兩杯香檳冷泡茶（港幣998 + 10%）或升級為Perrier-Jouet香檳 (港幣118+10%)

豐盛閣 閃爍星語海景下午茶

如果想睇埋靚景，呢間餐廳可以飽覽180度青馬大橋及沙灘海景，加埋聖誕新推嘅閃爍星語海景下午茶真係無得輸。多款甜點以澄藍色為主調，彷如天際一顆顆閃耀嘅星星，夠晒浪漫！甜點包括咖啡酒芝士餅、藍莓鬆餅、手工甜心冬甩及蝶豆花羊羹凍等。

價錢：HKD$468兩位

ÉPURE 時尚三層架下午茶

如果想食得高級啲，可以考慮呢間米芝蓮一星高級法國餐廳，可以喺佢嘅經典法式花園享受三層架下午茶，簡直好似喺歐洲過聖誕咁～下午茶包括scone及馬卡龍等，款款都好精緻。

價錢：HK$598兩位 (12月24、25日)

普慶餐廳 可可攻心週末下午茶自助餐 

講到下午茶又點少得呢間酒店嘅自助餐～今個聖誕下午茶自助餐就以可可為主題，特別準備咗三款朱古力火鍋口味，包括經典黑朱古力、清新嘅白朱古力柚子同四川麻辣黑朱古力，多達三十款特別配料可供選擇。朱古力唔一定配甜品，四川麻辣黑朱古力可配香料辣烤豬脊肉，入口帶辛辣及可可香，味道層次豐富。

價錢：每位HK$298

WOOBAR 樂聚聖誕下午茶套餐  

節日限定嘅樂聚聖誕下午茶無論鹹甜點都好有心思，鹹點包括醃漬紅菜頭魔鬼蛋配松露和塞拉諾山火腿脆片、菠菜麵包配手撕BBQ火雞和青芒果沙律同法式鴨肝凍批配紅莓酥餅等；甜品則有肉桂米布甸配蜜餞雲呢拿雜莓、杏桃開心果栗子蒙布朗、迷你聖誕百果餡餅、皇牌甜點蔓越莓鬆餅同榛子鬆餅配奶油忌廉及紅莓無花果果醬，食落與別不同！

大堂茶座 黑鑽魚子醬節日下午茶 

酒店同法國著名魚子醬及松露食材品牌Plantin Kaviari合作，推出「黑鑽魚子醬」節日下午茶。食物包括煙燻三文魚及白鱘魚魚子醬、晶鑽魚子醬班尼迪蛋、貝里馬卡龍及自家烘焙鬆餅等，魚子醬嘅鹹香令食物味道更上一層樓！

價錢：HKD$811.80兩位

海岸扒房 聖誕特別版agnès b.主題下午茶

每一款點心都由酒店廚師團隊特別設計，有香煎鵝肝漢堡包配朱古力醬及香煎帶子配黑松露等，前者鹹鹹甜甜好特別；後者就好鮮味，仲有得食agnès b. 嘅經典蛋糕，好幸福呀～

價錢：HK$688/兩位用

想低至半價食到下午茶？做齊以下步驟就得啦。由即日起，新客戶首次開立Mox戶口時輸入邀請碼「SHOP800」，並申請Mox Credit，喺開立Mox戶口當日同其後45日內以Mox Credit累積合資格消費滿HKD1,600，即享HKD800現金獎賞。
詳情：https://bit.ly/3WcczJ7

借定唔借？還得到先好借！
受SHOP800邀請碼推廣條款及細則約束。

文: Yanica