美食當前，相機食先。作為foodie，先影為敬再放上IG直情係反射動作！優秀開飯熱店2018以「美食大晒 盡情Show Quali」主題，無論你係食家定係大廚，有好嘢自然要晒一晒！即刻睇睇各區同各類型必試熱店如何大晒功架！
趕絕工廈食店？當然唔得！觀塘區呢度一向係臥虎藏龍嘅美食地帶，識得食梗係走入工廠大廈食！😍西餐、café、私房菜等百花齊放，而且比傳統餐廳食肆更多創意花臣，價錢亦更親民貼地！即刻睇睇入圍開飯熱店大賞2018嘅觀塘區候選名單，再投選神聖一票俾心目中嘅最優秀餐廳啦。😉
#觀塘 #工廠大廈 #工廈餐廳 #上樓
用心社企西菜 Go Inside Kitchen
圖：呢間位於工廠大廈內的社企西餐廳，實而不華，食物款式雖然簡單，但製作用心而且質素穩定，午餐選擇多而且價錢貼地，贏得唔少OL街坊回頭支持。招牌菜包括黑松露蜜糖烤雞翼、西班牙黑毛豬豬鞍架、安格斯肉眼扒及德國黑椒鹹豬手等。餐廳協助聾啞人士就業，好有意義！
運動主題餐廳 The Stadium
圖：位於落成不久嘅活化工廈The Wave內，餐廳以運動為主題，地方非常寬敞又設有露台，除咗有多部電視直播各種運動賽事，亦有齊足球機、桌球、鏢機等玩意。食物以美式為主，有沙律、意粉、漢堡等，質素高而且份量十足，加上供應手工啤，好適合一班朋友嚟吃喝玩樂開party！
人氣羊肉米線 雲南啊老表黑羊湯鍋米綫
圖：食厭連續米線店？呢間主打羊肉米線可以話係觀塘區名店，舖頭零裝修，主打黑山羊米線賣到街知巷聞。羊肉可以揀有皮或淨瘦，雖然細碎但肉嫩唔羶。湯底睇落好清，但有陣陣羊肉香，而且飲完超暖胃。米線質感爽滑，一碗細嘅都好大碗，一到繁忙時間全院滿座架！
精緻找素 尚素
圖：素食潮流當道，以前素菜館大多粗糙，亦多用仿真素肉，不過近年來已經越來越精緻。觀塘呢間素菜館主打中式素食，菜式款式多，更會用上唔同食材配搭，好似黑松露、時令菇菌等，又有水煮、素食者都可以食得有新意。招牌燉湯真材實料，火候十足，點心、小菜亦做得用心。
抵食火鍋放題 囍
圖：餐廳遠離地鐵站，但因為火鍋放題實在太抵食，吸引咗唔少人專誠去，更成功打入觀塘區熱店！放題有得揀多款湯底，包括木瓜椰子雞湯、黑蒜豚骨、蝦湯、泡菜湯等，$88起可以任食美國黑豚肉及一系列自助火鍋配料，加錢亦可以任食歐洲草飼牛、美國雪花牛、牛舌、海鮮等。
創意芝士雞煲 米走雞Live
圖：由長沙灣開分店開到去觀塘，呢間芝士雞煲專門店好有創意，觀塘店設live band表演，可以邊聽音樂邊打邊爐。招牌菜有黃金芝士雞煲，半溶芝士好似岩漿包住雞肉，濃郁香口，雞肉肉質好嫩滑，亦有火焰麻辣雞煲可以揀。配料有接近100款，新鮮而且夠大碟，手打餃子同丸類都有水準。
其他入圍餐廳仲有隱世川菜館蜀府川鍋、粵式私房菜館御膳、蒸餸小店新蒸武門同靚靚鹿仔主題café Deer Kitchen。觀塘友，係時候去優秀開飯熱店大賞2018網站，投選你心水餐廳一票！
立即投票：https://www.openrice.com/info/awards2018/index.html
文：Perrins
