【開飯熱店入圍名單巡禮】卡通主題餐廳找回你的童心可以嗎？

話說今屆開飯熱店大賞又嚟喇，開飯仔就委託咗最Like瓹窿瓹罅搵食嘅喵星人，合組「為食貓偵探團」，上山下海、一帶一路偵查全城大大小小講飲講食情報，廿四小時儘量不眠不休咁四出發掘屬於港喵（oops，唔係，係港人）嘅真正味道。而佢哋仲喺最多人想食、最多人鍾意食、最多人排隊食嘅嘢食入面，揀咗3個類別出嚟同大家分享。

無論細路仔定大人，只要你仲有童心，都一定有啲鍾意嘅卡通。好多餐廳亦都順住潮流，推出唔同嘅卡通主題食品，甚至乎本身已經係一間打正旗號嘅卡通主題餐廳，而比較受歡迎嘅就有新貴蛋黃哥、童年回憶比卡超（點都唔叫寶可夢！）、仲有細細個就識佢嘅Hello Kitty呀Snoopy呀等等。

点心代表

Photos by haha_panda & moritatintin
点心代表嘅代表作先後分別有Little Twin Stars同蛋黃哥，冧到萬千少女心了。

Sogno Cafe+

Photos by attle
又有Fluffy House嘅雲先生，又有彩虹妹妹助陣，啲嘢食未食落肚，淨係睇個樣都已經好治癒。

YATA Gudetama Café by Izumi Curry

Photos by mikipp
又係蛋黃哥呀，今次係蛋黃哥咖喱蛋包飯，好cutecute呀！

Hello Kitty 中菜軒

Photos by eat for fun
你愛過哈囉吉蒂嗎？應該大部分女仔細個嗰陣都愛過吧，將Kitty個樣整成個包咁，又幾得意，好圓呀佢塊面~

一風堂

Photos by Ang813
卡通主題並唔係女生嘅專利囉，一風堂就推出過男生嘅兒時玩伴：幪面超人主題拉麵喇！

沙嗲王

Photos by stellashea
出嚟啦！比卡超！對於沙嗲王嘅比卡超主題大家應該都唔陌生，我仲記得當時有好多人將比卡超塊面用汁淋到五顏六色囉！

Hello Kitty Secret Garden

Photos by mandy989
又一間打正旗號做Hello Kitty主題嘅餐廳，飲品呀甜品呀全部都印晒Kitty個嘜頭上去，平時已經要餵部相機食先嘅囡囡，嚟到呢度就更加要用雙倍時間餵食嚕。

查理布朗咖啡專門店

Photos by charlottelaud
無論係裝修定係食物嘅裝飾方面，都深受Snoopy迷嘅歡迎，就算唔係特別鍾意Snoopy嘅，都會畀佢呢啲可愛嘅造型吸引，啲咖啡仲幾有水準，又香又滑㗎。

Moomin Cafe

Photos by mama-gugu
呢度嘅嘢食，唔止有姆明個樣，連姆明之家一樣化身成為pancake，勁多層！而姆明屋仲暗藏咗有雞蛋布甸等等三款嘅甜品，仲有仲有隻陶瓷公仔有得拎走添呀！

Ishiyaki+Café

Photos by mscyki & 高妹文迪
呢間餐廳就先後推出過Melody同Kuromi仲有Plastic Thing嘅主題食品，望住杯咖啡拉花，唔係好捨得飲散佢囉。

好啦，入圍十間就高呼，呀唔係，係go through咗一次嘞，你哋揀好心水未先？投票啦！

文：Kar

投票網站：http://tiny.cc/op_2016

隨時接收最新資訊
讚好OpenRice專頁！