想捕獲小王子，唔使等到平安夜喇，而家隨時去大埔科學園捕都得！佢哋最近將餐廳化身成為玫瑰園呀，仲有幾個3D電影場景同埋多媒體互動體驗AR Media Booth，有得食之餘仲可以野生，呀唔係，親身捕獲咗小王子咁呀！
除咗成個環境都好似走入咗小王子嘅世界一樣之外，連食嘅嘢都係。用心，唔淨止可以睇清楚真正重要嘅事物，亦都可以做到令人覺得重要嘅事物。當意式烤紐西蘭羊架、澳洲野生三文魚、鮑魚配牛肝菌、有機香辣雞柳拼到成幅畫咁上碟，加埋杯玫瑰拉花咖啡同有機朱古力心大軟，輕易就馴服一眾小王子粉絲喇。
真‧粉絲望住呢個畫面，應該就會聯想到故事裡面嘅猴麵包樹同埋重要嘅玫瑰花嘞。呀！相機食完之後，我唔捨得食呀！
資料來源：http://bit.ly/21L9y1C
文：Kar
隨時接收最新資訊
讚好OpenRice專頁！
關鍵字
小王子
科學園
大埔
朱古力心太軟
有機食物
複製到剪貼簿