睇到日本有士多啤梨主題自助餐覺得葡萄？各位甜魔而家香港都有啦！沙田區呢間酒店餐廳就推出咗草莓白朱古力甜品自助餐，唔單止有多款士多啤梨甜品，仲有個超吸睛嘅白朱古力草莓塔！

餐廳揀咗當造嘅美國士多啤梨搭配白朱古力，紅潤多汁嘅士多啤梨同幼滑香甜嘅白朱古力無論味道同賣相都咁夾！甜品選擇包括少女最愛嘅草莓馬卡龍，選用北海道3.6牛乳嘅北海道草莓奶凍。

另外仲有口感綿密嘅草莓紅絲絨蛋糕，香醇富餘韻嘅櫻桃酒心白朱古力，同酥脆酸甜嘅草莓千層酥等。

記得試埋鋪滿原粒士多啤梨同紅桑子嘅草莓忌廉果撻，最後仲有主廚特別精心堆砌嘅白朱古力草莓塔，就算真係無胃口食，至少都要去影張相打卡啦係咪？

1+1吧 草莓白朱古力甜品自助餐
供應日期：即日起至2017年1月31日
供應時間：2:30pm – 5:00pm

開飯編輯推介：

1. 【專訪】「我喜歡堅持 我只得堅持」 新入圍米芝蓮法式泡芙店谷底反彈

2. 2017年港澳版米芝蓮指南

3. 10月份好評餐廳十強

熱門文章推介：

1. 行葵廣 食紫薯 6間小食店逐間試

2. 走入荔枝角工廈 發掘唔同地方好味道

3. 精選芋圓甜品舖PK戰

隨時接收最新資訊
讚好OpenRice專頁！