踏入12月，亦係開始倒數聖誕佳節嘅日子，要送禮嘅話朱古力絕對係其中一個好選擇。今年agnès b. DÉLICES再次推出多款聖誕禮盒。禮盒以「HOW ARE YOU MY FRIEND?」為主題，包裝更加入手作元素，有立體設計之餘，亦有位置可以自己動手貼上裝飾貼紙，令你可以送上一份獨一無二嘅心意比摯友。
Mistletoe 朱古力禮盒靈感來自聖誕節花環，簡約嘅圓形鐵罐裡面放咗12片造型別緻嘅星星朱古力，充滿驚喜。中間嘅係便利貼，非常實用。
而Ornament 朱古力禮盒，罐外面嘅包裝紙可以保留聖誕樹設計，亦可以自己用創意重新DIY。裡面有3款首次登場嘅乳酪朱古力粒：香蕉、蜜桃同榛子，加上黑朱古力香橙或檸檬脆條，多種滋味多重滿足。
Christmas Tree什錦朱古力禮盒上面嘅立體聖誕樹非常可愛又有節日氣氛，禮盒內有88%片裝黑朱古力、鳥結糖牛奶片裝朱古力、朱古力脆合桃杏仁同野草莓朱古力粒，四款朱古力從味道到口感都帶比人唔同嘅享受。另外仲有Snowman同Jingle Bell兩款立體包裝禮盒。
b. DÉLICES同b. Café亦合作推出多款聖誕禮籃，包含嘅禮品包羅萬有，由經典朱古力產品到法式果醬，紅酒同西班牙黑毛豬火腿等等。
適逢agnès b. DÉLICES成立20週年，聖誕期間更有期間限定嘅Bonjour Lapin 錢箱套裝。包裝以法國國旗顏色紅白藍為主色，裡面有什錦迷你糖果，加上招牌兔仔Lapin變成得意錢箱，agnès b.粉絲們無論送禮自用都一樣咁啱。
隨時接收最新資訊
讚好OpenRice專頁！
