呢一兩年，唔止多咗人去越南旅行，香港嘅越南餐廳都愈開愈多，但可能好多人對越南菜嘅印象都仲係停留喺牛肉河、紙米卷、滴漏咖啡度，其實佢哋仲有好多特色嘢食㗎！椰青蝦同雞蛋咖啡試過未先？

椰青大蝦係越南當地高級餐廳嘅菜式嚟，而嚟到香港當然都唔弱啦。原個椰青上㗎，師傅首先倒晒啲椰青水出嚟煮越南大蝦，煮好之後就將呢啲汁倒返入個椰青度，咁就變咗啲蝦又有椰青嘅椰香味，啲椰青水又有蝦嘅鮮甜味嘞！上枱嗰陣，仲繼續用火㷫住個椰青，保溫之餘亦散發住椰香。

而香港比較少地方飲到嘅越式雞蛋咖啡，呢度都有得飲。首先將蛋黃同越南煉奶一齊打發，然後再倒入越南咖啡，最後就喺面頭加多層打到起泡嘅蛋白，就大功告成喇！搞勻嚟飲，比平時嘅咖啡更加滑口，而且仲冇咁苦添。

生牛肉河

法式芝士香蒜焗大頭蝦

嚐越
地址：荃灣眾安街荃灣千色匯1期1樓1023號舖

文、相：Kar
 


開飯編輯推介：

1. 【專訪】日本人在香港 開餐廳最重要健康行先

2. 1月份好評餐廳十強

3. 2017亞洲50最佳餐廳 地區最佳餐廳全攻略



熱門文章推介：

1. 【一個人開飯】一個人喺大埔食乜好？

2. 【熟食中心尋寶】禾稈冚珍珠 皇后街熟食市場

3. 【二人前指南】港九新界齊最啱拍拖特色Cafe

隨時接收最新資訊
讚好OpenRice專頁！