美酒係聖誕派對唔可以缺少嘅一環，而2/3 Dolci將西式傳統香料紅酒搭配酸甜清新嘅紅桑子製成意式雪葩，酒紅色嘅雪葩入口香而不嗆，仲有少少丁香嘅餘韻。而另一款聖誕經典甜品蘋果金寶亦變身雪葩，充滿蘋果同玉桂嘅香味，甜蜜溫馨。
喺冬天想感受溫暖，當然唔少得一杯熱飲。得到唔少好評嘅手工薑餅人牛奶咖啡今年再度登場，細細粒嘅薑餅人特別有聖誕氣氛。另外仲有西西里開心果朱古力熱飲，選用百分百意大利西西利開心果醬同法國Valrhona純朱古力粒，好滋味暖意窩心。
Party當然唔少得蛋糕，2/3 Dolci當中以朱古力樹頭蛋糕最有聖誕氣氛，外面係法國朱古力，包住掃上歐洲橙酒嘅特濃朱古力海綿蛋糕同幼滑朱古力慕絲，朱古力迷不容有失。另外亦有抹茶十勝紅豆卷同朱古力香蕉雪芳蛋糕等，照顧唔同口味嘅食友。
隨時接收最新資訊
讚好OpenRice專頁！
