【高質金鐘酒店自助午/晚餐82折起】晚市送特色海鮮料理+甜品

無論食咩時段嘅自助餐，有折扣優惠點都食得更高興～而家經OpenRice預付訂座金鐘呢間5星級酒店嘅「國際美食自助午餐」、「海陸美饌尋味之旅自助晚餐」，大人小朋友都有82折起優惠，分別試到高質冰鎮海鮮、中、西、日、泰等口味多元化嘅美食；而現場即製嘅燒肉同甜品都新鮮美味。另外晚市更送上特色海鮮料理同甜品，即刻睇下邊個時段嘅菜式啱你口味啦～

海陸美饌尋味之旅自助晚餐

最近自助晚餐換上「海陸美饌尋味之旅」主題，以多種烹調手法炮製各類型肉類、海鮮菜式，更為每位客人送2隻即開生蠔，以及每週輪流供應嘅特色海鮮料理1份。冰鎮海鮮會加入啖啖肉嘅波士頓龍蝦同蟹鉗；日式料理則必食拖羅、油甘魚等刺身；而烤肉會供應自助餐較少見嘅威靈頓牛柳，以及戶外燒烤區即場燒製多款肉食，新鮮熱辣辣；另外熱食海鮮可以試試香煎鱸魚、泰式蒸魚同避風塘炒蝦。

即開生蠔好鮮甜

每週輪流供應嘅特色海鮮料理有3款，包括較輕盈嘅煙三文魚伴魚子醬、鮮味突出嘅香煎北海道帶子，以及口感彈牙嘅花雕醉鮑魚/日式磯煮鮑魚。

特色海鮮料理每週轉換款式（每位1份）

供應各式壽司、刺身，包括拖羅同油甘魚

另外晚市嘅麵檔融入東南亞風味，如增設雲南米線、上海麵；湯底則有擔擔麵濃湯、麻辣湯、清雞湯；而餸料有鴨血、酸菜、素海參、素鮑魚等，照顧唔同食客需要。

晚市嘅麵檔有較多素食配料

肉食控記得去戶外燒烤區呀！師傅用大大個烤爐、以猛火燒製各式肉類，鎖緊肉汁又帶點焦香，其中脆皮豬腩外皮卜卜脆、和牛肩扒則油香十足，兩款都係必試款式～

即燒肉類包括豬、牛、羊同雞肉

甜品區每週輪流供應3款即製甜品，包括焦糖牛奶泡芙、士多啤梨乳酪慕絲同白朱古力柚子慕絲，賣相精緻。另外Dessert Live Station每晚8:30pm起，會供應加入士多啤梨果肉嘅「士多啤梨羅曼諾夫」，啱晒鍾意食水果甜品嘅朋友。

每位可享1份即製甜品

甜品區會供應4-5款原個蛋糕，以及多款精緻糕點

可任飲果汁、汽水、指定啤酒；另加$120可無限添飲指定紅/白酒、氣泡酒

海陸美饌尋味之旅自助晚餐
供應時間：18:30-21:30
價格：星期日至四：成人$798/位，小童$398/位；星期五、六及公眾假期：成人$838/位，小童$438/位（設有加一服務費）
預付訂座：享82折優惠（按此）

國際美食自助午餐

自助午餐以環球美食為題，其中冰鎮海鮮必食鱈場蟹腳、波士頓龍蝦鉗；而前菜、沙律吧同主食則集西、日、泰等風味，例如燒吞拿魚、泰式茄子配小魷魚、海南雞飯、金葉庭叉燒、紅酒燴牛面頰、燒澳洲肉眼/西冷。而即煮麵檔提供港式湯麵，雞湯、牛肉清湯、豬骨湯3款湯底均熬煮逾6小時，鮮香味濃，另外亦有喇沙等東南亞口味嘅麵食。甜品方面，現場即製嘅雞蛋仔可以配搭唔同口味嘅Häagen-Dazs雪糕，如雲呢拿、朱古力、士多啤梨等。

鮮味嘅冰鎮鱈場蟹腳來自加拿大