自助餐最緊要夠豐富，最好多啲回本菜式𠻹，今次Nicole就實測兩間港島區酒店嘅自助餐，帶大家睇真啲，揀啱就用埋OpenRice買一送一優惠，嘆得更加盡興啦～
半⾃助午餐嘅冰鎮海鮮都有長腳蟹啊
Lighthouse Café主打buffet，臨海景色夠晒chill，而作為香港第一間Fullerton，以及全球第一間Fullerton度假酒店，開揚嘅環境畀人好似放假中，離開咗香港嘅感覺。
主菜提供紅、白肉選擇
烤脆米墨汁西冷牛扒
半⾃助午餐嘅主菜以扒類為主，包括牛、豬、魚同埋羊，其中西冷牛扒嘅做法考究，表面沾滿墨汁同烤脆米，配以香烤時蔬、法式薯蓉同甜椒牛肉燒汁，味道同口感都好豐富。
慢煮燴澳洲羊扒
慢煮燴澳洲羊扒熟度啱啱好，伴香烤西蘭花苗、菠菜薯蓉、砵酒燒汁，味道香濃而不失清新感。
原盅燉湯旁邊仲有即煮麵檔
Full buffet方面真係好多選擇，自助區行好耐都未到盡頭，但咁多食物之中，燉湯係必食item，拍攝當日就有蟲草花燉豬𦟌湯，滋潤暖胃又足料，啱晒都市人補一補。
燒牛肉大件軟嫩，肉食控必食
壽司款式多籮籮
冷盤、甜品等一應俱全
另外一系列招牌甜品都好誘人㗎！包括法式蛋糕、東南亞風味嘅斑蘭蛋糕或千層蛋糕、每日即製是日甜品等，真係琳琅滿目呀～
西日式甜品有經典同可愛造型
偏清淡口味嘅甜品都有唔少選擇
斑蘭蛋糕有好香濃嘅斑蘭味之餘，仲焗得好鬆軟，咬落去好有空氣感，聽講連大使館都讚佢哋嘅斑蘭蛋糕㗎。
星耀廳 
地址: 香港黃竹坑海洋徑3號香港富麗敦海洋公園酒店1樓
前菜拼盤
香港港麗酒店嘅咖啡園由意大利籍主廚領軍，佢哋供應嘅意式主題自助餐，口味一定正宗啦～餐廳首先會上一份前菜拼盤畀每位客人，當中有Ham、香草麵包等，配埋招牌雞肝醬一齊食好開胃。
回本必食冰鎮龍蝦、長腳蟹
刺身供應多種魚類，更少有提供炙燒款式
Cold Cuts大約有5款肉，如Ham、意式肉腸
沙律都以意大利口味為主
利佛諾海鮮
熱盤都有好多款式，每位食客點利佛諾海鮮湯，都會配波士頓龍蝦半隻（1次），底料則可以無限任添。不過呢道菜雖然叫湯，但質感比較穊身，有啲似燉海鮮。龍蝦就超級新鮮，入口好鮮甜彈牙，蘸埋海鮮湯鮮味更濃郁，加分！
燒牛肉
肉類方面唔少得嘅燒牛肉，師傅控制調味同火候都啱啱好，表面帶焦香，食落肉味濃厚。
烤全豬配綠莎莎醬及長棍麵包
烤全豬好少喺自助餐見到，餐廳配以綠莎莎醬做成長棍麵包餡料，惹味又有特色！
芝士會用嚟拌意粉同Risotto
貝殼意粉好掛汁
至於手工意粉同Risotto，每日新鮮即煮唔同口味，好似芝士意式腸仔菠菜Risotto就有濃濃嘅芝士味，口感creamy，芝士控見到咪錯過啊～
海鮮融入羅馬薄餅同炸物之中，帶嚟唔同嘅鮮味
意大利甜品必食招牌Tiramisu
收尾梗係食盡多款意式甜品啦～重點要試嘅係招牌Tiramisu，店員會走去你身邊𢳂一大羹畀你，有儀式感亦有質感！Tiramisu落咗幾多cream，餅乾層相對薄少少，入口更加creamy。
咖啡園
地址: 香港金鐘金鐘道88號太古廣場香港港麗酒店大堂低座
主持：Nicole
文：Cathy
相：Reol
片：Tom
