\r\n「咁即係邊喥呀？」「都話『老地方』咯！」

\r\n

茶廳例牌的蛋麵、奶茶咖啡之外，老地方亦有雞包、腸粉等等中式食品，簡直令你以為自己在茶樓內品茗。\r\n
\r\n

\r\n每朝只要俾$15 ，就可以有個大雞包($13)和一杯飲品。雖然便宜，但質素唔差。\r\n

雞包皮鬆軟之餘又有汁餡的味道；叉燒、雞和咸蛋黃又新鮮、又唔肥膩。一個包、一杯咖啡做早，仲唔飽咩？！

食厭了日本的燒鰻魚，可以試下這裏的日式炭燒鱔($35) 。咬落鱔皮脆得爽口，鱔肉十分彈牙。大廚在醃鱔時加入蜜糖，故此鱔肉透出陣陣蜜糖香味。\r\n
\r\n\r\n
椒鹽雞中翼$24 就有8 隻咁多，咁平的小食唔係喥喥有！皮脆肉滑不在話下，雞肉醃得夠入味亦令人一試難忘，不過美中不足的是油味稍重……。
送飯兼送湯的賽螃蟹($45) 主要由蛋白、鮮奶和鮮帶子製成。蛋白和鮮奶經油泡過後要立即過冷河，以保持爽滑感，製作的過程卻能考驗大廚的夫。\r\n

\r\n滑滑的蛋白再加上帶子肉，當然又滑又香，若然再落些鎮江醋，味道更加……正！\r\n招牌菜咖喱炒蟹($68) 用中式的咖喱烹調，雖然沒有椰汁的味道，但更能突出蟹的鮮味。\r\n

\r\n咖喱的辣度可以按個人喜好調較之外，原來新張期內，炒蟹的款式(除避風塘炒蟹)更可以轉換。凡叫得出的，入廚廿多年的師傅也會為你做出來，而價錢跟咖喱炒蟹一樣。\r\n

\r\n第日有人約你去茶廳食小菜晚飯，你千祈咪以為玩你噢！\r\n