由食物及衛生局、食物環境衞生署食物安全健康中心、降低食物中鹽和糖委員會主辦嘅《少鹽、少糖、少．確幸》宣傳活動日前正式展開，目標係向全港推廣減鹽、減糖新飲食文化，從而達至健康飲食、幸福人生。
想減鹽減糖，除咗自己下廚控制調味料分量之外，出外食飯亦可以留意惠顧餐廳有無參與推動少鹽少糖，餐廳會喺門口同Menu展示相關標誌幫大家識別。
而喺OpenRice網站或Apps嘅進階搜尋當中，可以喺「食品/餐廳類型」選擇「少鹽少糖食店」，就可以一次過睇哂全港參與推動少鹽少糖嘅餐廳。
而餐廳搜尋頁面當中亦有「少鹽少糖食店」標示，方便大家隨時隨地按自己需要搵到適合嘅少鹽少糖餐廳。
10間星級食肆已推出共30款特選減鹽減糖菜式，嚟緊7月將會有另外66個品牌、共500間食肆陸續參加。首批星級食肆包括翡翠拉麵小籠包、添好運點心專門店、豐生水起、富嘉閣等，各自推出三款特選減鹽減糖菜式。
而部分提供少鹽少糖選項嘅餐廳就包括輕。快翠、良茶隅、CheckCheckCin、Flamingo Bloom、Soupday、茶湯會、太興、canton pot等等。
而預先包裝食品亦可以睇下有無「低鹽」、「無鹽」、「低糖」、「無糖」嘅標籤，目前已經有超過230款預先包裝食物有以上相關標籤。
食物及衞生局局長陳肇始教授、降低食物中鹽和糖委員會主席陳智思、活動大使檔蕭潤邦和江若琳、2018年劍擊世青冠軍佘繕妡分享心得
點先叫多點先叫少呢？根據衞生署2014/15年度人口健康調查，年齡介乎15至84歲嘅香港人平均每日從膳食中攝取8.8g鹽，遠超於世界衞生組織建議嘅5g！
（左）Soupday，（右）Flamingo Bloom
多間餐飲集團加入計劃推廣少鹽少糖
世界衞生組織建議，一般成年人每日鈉攝取量應少於2000毫克，即略少於一平茶匙食鹽，而游離糖攝取量亦應少於每日所需能量嘅10%。以一個每日攝取2000千卡能量嘅普通成年人為例，每日游離糖的攝取量應少於50克，即約10粒方糖。
