正一排骨
聽個名就知呢間餐廳專食排骨，佢哋嘅招牌排骨仲要係手打㗎，半滷半炸，肥瘦剛好，肉質嫩口，難得做咗咁多年都依然保持水準。另外炸雞脾同一樣係咁受歡迎，雞皮薄薄一層，口感酥脆，見到真係會忍唔住破戒，皮都要食埋。
Photos by 桃園美食小舖 & 餐廳提供呢間餐廳有超過40年歷史喇，主打活魚料理，不過都有其他小菜食嘅，但去到當然點都要試下師傅整魚嘅手勢啦。由魚湯到炸魚肉都有，有魚煲嘅湯，啲味特別鮮。而最考功夫嘅菜應該就係脆皮糖醋魚，師傅嘅刀功一定要有返咁上下，先可以切到皮肉相連而將肉捲向外，令魚肉沾滿晒酸酸甜甜嘅糖醋醬，好醒胃。
Photos by 伊丞 & 餐廳提供細個阿媽教落食飯就要專心食，唔好電視撈飯。不過呢間老店一反傳統，竟然會喺「戲院」播住戲，可以一路食一路睇！餐牌上都係熟悉嘅客家菜，但其中有一道都幾特別，叫炸蛋開花。原來係炸咗5隻荷包蛋，再冰鎮過嘅洋蔥、芹菜、同酸汁等等，蛋香重得嚟又酸酸咪咪咁。
Photos by 三高吃漢 & 餐廳提供台灣出名食牛肉麵，呢間牛肉麵館有拉麵、有山西刀削麵等等麵食，麵條爽口彈牙，幼幼der索晒啲湯汁好入味。食麵記得都要試一試埋個湯底，因為真係好香牛肉味。不過喺度食最開心嘅係可以欣賞埋師傅嘅功力。啲拉麵全部都係即叫即拉即煮㗎，睇住師傅三兩下手勢就拉好一個麵煮好送到你枱前，係幾amazing。
Photos by 大手牽小手。玩樂趣 最尾點都要介紹返一間甜品店嘅，呢間冰店開咗成50年咁耐㗎喇。一間舖有成5層樓咁多，仲要層層嘅design都唔同，揀食咩冰品之前首先要揀坐邊層。識食一定喺度食鳳梨冰，全部都係用新鮮菠蘿整，冇加水㗎，只係將菠蘿加熱泌汁再加砂糖。菠蘿肉就切開一粒粒，砌返靚靚咁放返上個菠蘿度。另外推介呢嘅紅豆脆圓，同芋圓唔同，脆圓脆脆地，連埋甜甜地嘅紅豆一齊食，爽。
圖：餐廳提供
文：Kar
隨時接收最新資訊
讚好OpenRice專頁！