一人一鍋熱潮唔好畀佢停！今次到大埔呢間新開嘅台式一人一鍋，餐廳於台北桃園有十多間分店，首次抵港選址大埔，新界嘅朋友終於贏返次啦。餐廳八成材料由台灣運到，亦都沿用台灣嗰邊嘅湯底，仍然保留台式風味。
除咗火鍋外，餐廳設有自助區，白飯、雪糕及飲品都係無限添，如台式冷泡茶及冬瓜檸檬，就算大胃王都無有怕！醬料方面都幾有台灣味道，如沙茶醬及豆瓣醬。
呢度嘅湯底用大豬骨及蔬菜熬製多個小時而成，再用呢個豬骨湯演化成唔同口味嘅鍋，如麻辣、龍白鍋、起司牛奶、咖喱、叻沙、沙茶、藥膳、泡菜及蕃茄等。講到台灣火鍋第一時間一定係諗起麻辣鴨血鍋，湯底帶麻，必食有台灣鴨血，吸晒所有麻辣嘅味道。仲有台灣運嚟嘅甜不辣及蛋餃。
另外餐廳都對素食朋友都好friendly，有供應四款素食鍋物，當中最吸睛當然係素食麻辣鍋，鍾意食辣但又食素嘅朋友就啱晒！素麻辣湯用素沙茶配中藥湯，加入辣椒、花椒、豆豉、八角、桂皮及麥牙等材料，配料方面素丸、豆皮都寬粉條都值得一試。
更多【新店直擊】： |
起司牛奶鍋嘅牛奶同芝士都係由台灣運到，充滿濃濃奶香，芝士微微融化嘅時候食就最正～
海鮮控可以試綜合海鮮鍋，除咗有青口同蜆類外，仲有好大片嘅台灣鯛魚，魚味特別重，而海鮮鍋就會配返最基本嘅豬骨湯，咁先食到海鮮鮮味嘛。
養生啲嘅朋友仔，龍白涮涮鍋就啱你地，湯底帶微微藥材味，附一份肉(自選雞、豬及牛)及菜盤。
地址: 大埔汀角路10號大元邨商場平台F11號舖
文、相、片: Yanica