華納兄弟片場近日宣佈，聖誕將會舉辦聖誕會，今次仲會係哈利波特主題Party。聖誕晚宴將會用《哈利波特：神秘的魔法石》電影的聖誕大餐佈景，大家終於有機會一試坐坐超長檯的滋味。食物方面除了兩道主菜，還有電影中曾經出現過的食物，包括聖誕火焰布丁和車厘子火腿，一嚐魔法世界裡的美食。
要成為霍格華茲的一份子，單靠食物當然唔夠！當日食完大餐，更會有第四集《哈利波特：火盃的考驗》裡面的聖誕舞會。此外，賓客仲可以參觀多個電影裡的特色場景，例如葛萊芬多的休息室，讓你一次過體驗哈利波特及他的朋友們的校園生活。而每位入場時仲會送你一支魔法棒，係時候練習一下「去去武器走」！
要享受就先要付出代價，如果想參加這場魔法盛宴，你先要到華納兄弟的片場網頁預訂門票，而且索價約港幣2,700元，還必須要年滿18歲。
圖片及資料來源：time.com
文：vin
讚好OpenRice專頁！
