你你你快跪下！你哋日夜跪求香港都有嘅美少女戰士pop up甜品店，終於出現咗喇！有甜品亦有精品，分兩個階段推出。美少女戰士忠粉，報到前做定功課先啦。

第一階段（即日 至 11月中）

好多女生都鍾意食馬卡龍，果蓉餡又冇咁膩，仲要呢幾個係印晒水手服等圖案嘅，就更加一秒變bling bling眼。可以連埋兩層收納箱一set咁買。

除咗禮盒裝，亦有棒棒裝，同樣都係咁靚。

至於cupcake，亦同樣有粒馬卡龍喺頂。

呢款乳酪脆脆朱古力又幾好食，士多啤梨味，酸酸甜甜咁，食晒個盒仲可以留低拎嚟裝嘢添~

索繩袋入面就裝住蝴蝶酥。

鮮果瑞士卷印住變身粉盒嘅星星，係幾靚嘅，連埋隻陶瓷碟就更加容易俘虜所有少女心。

但講到終極武器，應該都係日本直送軟雪糕！有筒裝或杯裝揀，但係留意返，海鹽味係屯門限定，有30%果汁成分嘅巨峰提子味就係馬鞍山限定。

第二階段（11月中至12月中）

件裝mousse瑞士卷就會喺第二階段先發售，睇住樣先啦，卷身係水手服嚟呀，有得連埋細嘅陶瓷碟一齊買都幾開心。

有陶瓷碟當然亦有陶瓷杯，粉紅色蓋㗎，女生想忍手都難。

溫馨提示，部分較受歡迎嘅產品，早啲預訂咗會穩陣啲。

山下菓子 – 屯門店
地址：屯門屯順街1號屯門市廣場1期1樓中庭Kiosk3

山下菓子 – 馬鞍山店
地址：馬鞍山新港城中心第四期2樓2040-2041號舖

文、相：Kar