嚟咗香港已經一陣子嘅台灣度小月，最近就喺深水埗新商場內開設第三間香港分店。大家除咗要食招牌祖傳肉燥飯及擔仔麵外，新店更推出六款獨家菜式，包括時令魷魚系列及清新開胃小菜，對台灣有情意結嘅朋友要去啦！

三杯中卷($88)

台灣向來盛產魷魚，睇落全部都好相似，但其實魷魚都分好多個唔同品種，好似章魚、烏賊、小卷、中卷及透抽等。今次餐廳推出三款時令魷魚菜式。三杯中卷以經典三杯醬汁麻油、醬油及米酒製成，吸收醬汁嘅中卷，質感嫩滑彈牙而且惹味香濃，送酒真係一流。

台式炒花枝($88)

呢款就係台灣地道夜市小食，花枝切成簿片狀，好爽口～再加入蘆笋、紅蘿蔔等多款蔬菜一齊炒，最後滴兩滴麻油，香氣十足。

沙茶魷魚羹($38)

重口味人士必試呢個沙茶魷魚羹，除咗有濃濃沙茶味，加咗魷魚粒、紅蘿蔔及黑木耳絲等材料，口感豐富，無論撈飯定拌麵食都咁啱～

木須肉($88)

傳統中式小菜，加入木耳絲及嫩肉炒滑蛋，炒蛋嫩滑，一樣都係送飯之選。

薑汁番茄($38)、清香豆腐($38)

夏天熱辣辣有時真係無咩胃口，食熱嘢前可以叫呢兩個涼菜開吓胃，薑汁番茄清新惹味，忍唔住一舊接一舊咁食，至於清香豆腐真係夠晒滑㗎～

度小月   

地址: 深水埗深旺道28號V Walk 2樓142-143號舖

文、相、片：Yanica