\r\n
\r\n廳座位唔多，反而可以靜靜咁去享受一下，牌仲指明菜式可以揀用棷欖油煮，好健康喎！\r\n
\r\n
負責人徐先生介紹幾款特別菜式俾我，首先有「機燒菌皇香檳汁」﹝$58﹞，由四種菌類包括金菇、白菌、日本牛耳菇同美國巨菇炮製而成，白汁中混入香檳，就最能帶出鮮味，四種菌類味道清淡，但口感各有不同，最適合茹素人仕。\r\n
\r\n
\r\n「文也龍利」﹝$66﹞特別之處，在於打破一貫鹹食製法，以酸味燒汁取代，燒汁有紅酒成份，混於魚塊上比一般鹹食獻汁更加開胃，而魚質亦非常新鮮，令酸汁更能入味。\r\n
\r\n
「螢火春雞」﹝$78﹞由美國入口春雞炮製而成，有別於一般港式製法，去骨春雞上檯時淋上拔蘭地，一點起火，你必然明白「螢火春雞」名稱來由。\r\n
\r\n
\r\n最後有「吞拿魚班戟」﹝$36﹞，綠色班戟皮內有吞拿魚，絕對非普通班戟，因為混入芫茜汁，所以班戟皮變成綠色，但芫茜味唔濃，反而有煙韌感覺。\r\n
\r\n
如果夏天行完街可以入去飲杯「鮮果冰冰」﹝$32﹞，所有悶熱感覺都會立即消失。\r\n
\r\n
\r\n為了令大家耳目一新，「Le Petit Paradis 」將於2000 年3 月尾易名為「M7 Cafe 」，大家要記住啦！