唔驚唔覺香港就已經邁入炎熱嘅初夏，呢個時候最需要嘅係一杯清爽消暑又有新意嘅凍飲！香港星巴克咖啡聽日(19/4)就會推出全新星冰樂系列，你會揀甜美嘅咖啡定清新嘅士多啤梨口味？
 

兩款夏日星冰樂新登場！爆谷蝴蝶圈咖啡星冰樂上面唔單止放咗造型趣致嘅蝴蝶餅同甜而不膩嘅焦糖爆谷，而且仲加咗幼滑忌廉同焦糖醬點綴呢杯咖啡星冰樂。而椰子草莓星冰樂就用富有熱帶夏日氣息嘅椰子搭配酸酸甜甜嘅士多啤梨，而且仲有非常吸睛嘅雲石紋，一定要記得相機飲先！
 

之前出過大受歡迎嘅香蕉星冰樂亦都會再次推出，包括香蕉芒果星冰樂、香蕉野莓星冰樂同香蕉朱古力星冰樂。
 

飲完星冰樂仲想食啲嘢食？仲有一系列輕食供應！例如杏仁流心牛角酥、希臘式紅菜頭藜麥沙律、煙肉生菜蕃茄芝士三文治等，最後仲可以嘆多杯伯爵茶意式奶凍做甜品。
 

唔好話開飯仔唔提醒大家，同日仲有初夏系列同Core系列嘅隨行杯及其他商品推出，呢個夏天過得夠哂爽！

文：Cathy