新年長龍店 上海瓜子大王陸金記
咬瓜子就像是農曆新年的指定動作，而新年到陸金記排隊買瓜子亦是不少人的指定動作，此店是本地少有自家炒瓜子的專門店，款式包括紅瓜王、五香醬黑瓜子、奶油瓜子、玫瑰瓜子等，雖然瓜子售價比其它店舖貴，但選擇多而且質素穩定，所以多年來都是辦年貨的熱門選擇。
早晨：自己已鎖定目標，入到去拿了大S紅瓜子，咸黑瓜子、桔仔、角仔、檸汁薑、泡茶(即芋頭薯片...)$251！嘩…瓜子是每年既指定動作，角仔都幾脆口，檸汁薑獨立包裝，但每件都有三層，有點浪費…其他是給家人的，如果大家得閒無野做，可以去排下隊辦年貨，襯熱鬧！
龜公館：今次買了普通花生糖和白芝麻花生糖(@$10一包)。兩者同樣好味，比較之下，白芝麻花生糖是更加香，而且沒有那麼甜。

馳名蘿蔔糕 大記攦粉糕點專門店
食家蔡瀾曾於專欄中讚賞大記的蘿蔔糕是全港最好的，可以堂食，亦可整個買走，一絲一絲的蘿蔔很足料，另外還有芋頭糕、桂花糕、眉豆糕、芝麻糕、綠豆糕、馬蹄糕等選擇。
mandy_1227：2件芝麻糕！2件紅豆糕！1件忌廉南瓜鮮奶糕！1件馬蹄糕，番屋企諗住切一小角食!結果食下食下食淨少少only xd哈哈！真係好好味！芝麻糕勁香芝麻味又唔係太甜，紅豆糕既紅豆好淋！忌廉南瓜鮮奶糕好香！又有南瓜粒粒。

涼果專家 么鳳
60年代開業的涼果專門店么鳳，一向是名人、OL的零食入貨點，農曆新年前更會推出賀年食品，包括芋蝦、茶泡煎堆等油炸食物以及糖蓮子等，辦年貨順道搜購陳皮、冬薑、佛手果、蠔油豆等涼果，與拜年的親友一起分享。
*~adr~*：糖子薑，好耐未食過啦~甜甜的包住脆脆的子薑，好味呀!!檸汁薑，夠酸夠辣，good~

為食奴隸獸：粗條芋蝦（8件裝，HK$58）：芋蝦分有粗條及幼條，而我們較為喜歡粗條。奴隸獸急不及待已食了一袋，甘香的炸芋蝦球，食到球心仍然鬆脆。實在非常好味。

老字號蛋卷 德成號
當人人都去澳門買蛋卷做手信時，其實本地也有出色的手製蛋卷，德成號數十年來堅持只有一種出品──蛋卷，口味亦只有三種：原味、牛油味及椰汁味，蛋卷全在店內人手製造，口感鬆化而爽脆，多吃也不膩。
calvinwhkwan：外面真係有小小諗，不過內裡都幾鬆脆，我自己本身好鍾意食蛋卷！這個的蛋味幾香濃，不過唔係話十分之濃，這個真係食完一條有再吃多條的衝動！

Aimar J：質感較鬆化，但偏向是鬆軟而不是鬆脆，也好；外層較諗，內裡較鬆化。吃過一口而感受到濃濃的雞旦甜味，真的是很濃得甜。沒有想象中那麼厚，而且吃落也不膩。

唐餅專門店 奇趣餅家
農曆新年，食中式餅食最有氣氛，唐餅專賣店奇趣餅家平日已人頭湧湧，農曆新年更不在話下，每日新鮮出爐蛋糕、燒餅（此店最出名的小食）、合桃酥、光酥餅、棋子餅、香蕉糕、雞仔餅等等，笑口棗、角仔等賀年貨更是期間限定的小食。
bibi_yu：笑口棗~我本身係好鐘意食，每次去喜宴最後一道甜點有笑口棗既話我都會食大半碟，今次第一次試呢度既笑口棗，口感好鬆脆，入口又香芝麻味，令人想食完一粒又接著一粒呀。
出街食飯最開心：角仔-全店至愛，好可惜只係農曆新年至有得買，我會一口氣買2、3磅，有D分比屋企人親友、當然要留返一袋比自己慢慢享用~~皮鬆、餡料足、甜度適中，唔講得少。