\r\n
首先映入眼簾的是紅色、深啡色同白色，咁大地方，最好盡情跑個夠！可惜爸爸唔准……咁咪慢慢週圍睇囉！\r\n
\r\n
牆上面好多千奇百怪的裝飾，不過媽媽話係古董，所以唔准我掂；抬頭見到飛機同長艇，如果可以坐下就好喇……。 |  |
未睇夠，就已經有食物送到。 星期五三合一精選（$145 ），車打芝士同煙肉令焗薯皮更加香口；紐約香辣雞翼有點辣，不過外層味道比裏面濃。香酥意大利芝士條係用原條芝士，包上香草脆皮外層，又香又脆，所以我最鍾意。\r\n
\r\n
用蘋果牛油燒烤汁製成的炭燒美國排骨（$208 全塊/ $158 半塊），咬落香腍之外，肉還不會黏著骨……
媽媽話呢度沿用三十年的烹調方法，先至咁正宗喎！\r\n
尚未食完，我已經走到鬼死咁大的吧檯，嚷著要喝酒。爸爸終於屈服，叫了兩杯酒給我。
\r\n\r\n
因為Perfect Ten（$46 ）有乳酪和鮮橙雪芭，所以我好似食緊滑滑的橙一樣；Strawberry Surprise（$42 ）清清地又酸酸地，不過有好強的士多啤梨味道。
\r\n當我帶點醉意時，爸爸竟然陰陰咀咁講：「剛才兩杯飲品只是果汁，沒有酒精的。」\r\n
正想發脾氣，剛好有個靚姐姐走過來，她雙手還捧著咖啡雪糕批（$78 ）……
\r\n
雖然朱古力咖啡雪糕上面，淋上熱朱古力糖漿和碎果仁，但係熱糖漿尚未整溶雪糕，我已經吃過清光。\r\n
\r\n
 | \r\n一邊食、一邊見到有好多外國人同大哥哥、大姐姐在這裏傾偈，呢個星期五，真係食得好開心！
|
