\r\n

\r\n負責人蔡先生係福建人，單係做北京菜都已經有十多年喇，本年前於駱克道開設第一間「中華食府」，非常受歡迎，由於反應好，所以好快就開設第二間分店喇！
打開牌唔只可以搵到廣東小菜、北京拉麵同上海飽點，仲可以食到好多特色食品，好似炒拉麵同埋野山菘菇飯等等。而且更有老火燉湯﹝$10﹞同糖水﹝$12-18﹞，日日出街食都唔怕燥熱。\r\n

\r\n

\r\n蔡先生為大家推介三款中華美食：「瑤柱小籠湯飽」﹝$25/4個﹞，外皮乾，豬肉卻係濕濕地，有上湯味道。
「中華大碗飯」﹝$30﹞，色彩豐富，更有多種材料，包括鹵水蛋、素三絲、蜜味排骨及南京牛腩，啖啖肉之餘又有素三絲中和一下。\r\n

\r\n

\r\n「竹筒竹笙雞燉翅」﹝$39﹞，魚翅、竹笙、肥雞加上金華火腿用竹筒燉，味道比想像中清淡，猶如雞湯一般，因為魚翅本身並無味道嘛！\r\n

\r\n

\r\n店內的椅桌排得頗緊密，不過樓梯上仲有第二層，可以一次過食齊各地心水中菜，真係幾盞鬼！