嚟緊聖誕，心思思想買聖誕蛋糕甜蜜吓，位於港鐵黃竹坑站嘅THE SOUTHSIDE提供各式各樣的蛋糕選擇。有過江龍大阪蛋糕品牌Mon cher、法式餅撻品牌Tarte by RH；又有本地純素烘焙店The Cakery、原創健康蛋糕品牌Kew+ @ Oasis Food Social等，一定揀到自己鍾意嘅佳節甜品！

【日本殿堂級蛋糕】
Mon cher @city'super neighbourhood (Shop no. 308-313)
2003年喺日本大阪堂島創立，憑藉皇牌產品「堂島卷」享負盛名。佢哋嘅生忌廉好出名，特選北海道農場空運直送嘅牛乳製成，配搭充滿蛋香嘅蛋糕交織出細膩口感，有種吃出幸福甜蜜嘅魔力。Mon cher法語意指「我的愛人」，今個聖誕就同愛人一齊嚐甜啦。

聖誕開心果堂島卷$268 (即日至15/12/2024 早鳥優惠* $238)
招牌「堂島卷」限定聖誕版本，係近年人氣開心果口味!! 外層鋪滿撞色薄脆片，仲有可愛薑餅人送上開心氣氛。

聖誕草莓蛋糕12cm$338  (即日至15/12/2024 早鳥優惠* $298) 
全新聖誕蛋糕以人氣Naked Cake設計登場，少女粉色蛋糕加上士多啤梨夾心，呈現粉嫩浪漫聖誕。

*受條款及細則約束。詳情請向店員查詢或參考店內宣傳物。

【法式餅撻品牌】
Tarte by RH (Shop no. 320B)
由名廚Rania Hatoum創立，憑藉精緻奢華餅撻、頂級食材、一絲不苟工藝，吸引一眾粉絲。今個聖誕一嚐高級味覺享受，甜蜜之作涵蓋聖誕節、感恩節及除夕節日。

應節7吋特色餅撻，包括經典窩心蘋果金寶撻$828；另一款南瓜甜批$828，則融合雲呢拿一同打發嘅忌廉朱古力漿、細膩肉桂粉，並以華麗24K金箔點綴。牛油酥皮同絲滑嘅香料南瓜都好夾，締造獨一無二滋味。

同時，Tarte by RH亦有特色聖誕禮品套裝$1,288，內裏有多種節日特色食品，最注目係3吋招牌魚子醬撻!! 同埋多款迷你撻—鵝肝蘑菇撻、龍蝦醬撻、松葉蟹三文魚籽撻、核桃朱古力撻、南瓜甜批、蘋果金寶撻以及開心果撻，以佳餚美饌傳遞歡樂氛圍。建議提早預訂啊。

【本地純素烘焙店】
The Cakery (Shop no. G47)
提供多款有機、無糖、無麩質甜點。採用健康食材，以天然嘅糖份代替精製糖，透過植物性食材、生酮友好、無麩質、無乳製品及純素的甜品選擇，喺聖誕滿足甜點渴望兼具健康生活。

聖誕限定嘅純素流心開心果聖誕樹6寸$1,288，內層流心開心果醬有驚喜!! 一切開即散發香濃堅果香氣。無論視覺、味覺都相當驚艷，成為聖誕大餐嘅完美主角。

俏皮嘅小鹿伯爵茶麻糬戚風蛋糕$680(不含乳製品)，足夠6-8人分享。採用不含乳製品嘅伯爵茶奶油及黑糖麻糬，口感好豐富， 可以成為聖誕餐桌上嘅完美主角。

【原創健康蛋糕品牌】
Kew+ @ Oasis Food Social (Shop no. 302-303)
致力於為顧客提供最健康甜品選擇的Kew+Cake，專注打造精緻日式手作蛋糕。每件蛋糕均選用高質食材，嚴選日本直送雞蛋、新鮮忌廉、全麥麵粉和新鮮水果等。全部當天新鮮製作，精緻外型滿足所有甜品幻想！

精緻嘅香印蜜語梳乎厘芝士蛋糕$348(12cm)，將濃郁奶油、芝士完美融合香甜嘅香印提子，入口即化帶嚟清新奢華享受。

草莓甜心梳乎厘芝士蛋糕 $438 (15cm) 則每啖都有香濃芝士及天然甜美嘅士多啤梨，士多啤梨控絕對無法抗拒啊!!

地址 : 港鐵商場THE SOUTHSIDE (港鐵黃竹坑站A/B出口)
以上資料請以店舖職員為準。
#特約分享