添飲咖啡館 (已結業)

☕️ 食品：👍🏻👍🏻👍🏻👍🏻 🤵🏻 服務：👍🏻👍🏻👍🏻👍🏻🛋 環境：👍🏻👍🏻👍🏻👍🏻前陣子趁住週末，山長水遠入咗粉嶺諗住去舊粉嶺裁判法院參觀吓，點知因為疫情關係：閉館 😓；正當我有啲失望之際，估唔到因禍得福，比我發現咗間好值得推介嘅餐廳～就正正喺裁判法院隔離呢間好有心嘅小店，除咗係餐廳，仲有售賣各式水果 🥭🥑🍑、雜貨 🥡、盆栽鮮花💐等等，填肚之餘仲可以購物喎～ 我自己幫襯過餐廳兩次，每次都會順便喺度買市面上比較少見嘅台灣麵粉返去整麵包，做出嚟嘅麵包又真係唔錯 👍🏻💋 「未來」肉漢堡($108)好多人好抗拒素食，特別係扮肉類嘅素食😂 不過呢個Beyond Meat Burger 算打破傳統，連我身邊過食肉獸都話整得吾錯唔錯，個醬汁係甜酸口味好開胃，配埋芝麻菜、焦糖菠蘿一齊食，好好味喎！😋💋 煎澳洲和牛肉眼扒($238)一直鍾情和牛，又鍾意食肉眼扒，medium rare三成生熟度正合我心意 😍 外層煎得幾香脆，口感剛好，肉味香濃，肉汁亦多，吾錯吾錯 👍🏻 當然，燒南瓜同西蘭花苗都令個餸錦上添花啦～💋 法式多士配焦糖香蕉 ($88)法式多士係我嘅all time favorite 🥪 呢個多

💮熊妹一家每年的年頭都會去粉嶺走一轉，去到咁遠就梗係要搵嘢食啦。📌馬騮姨一早預訂咗呢間《添飲咖啡館》，好似話係間特式咖啡店。📌本身《添飲咖啡館》係白色建築文物館入面嘅餐館，不過疫情關係只可以容納二人一枱，就變成喺建築物側邊搭咗個棚，變成好似互外野餐咁。📌餐牌就係餐紙，所有食物印咗上去餐紙度。大路Cafe有嘅all day breakfast 呀，漢堡包呀，沙律啊，肉食啊都有，價錢由$88至$238再加一，只有散叫，冇套餐價，食物同飲品都要分開嗌，價錢就偏貴咗啲。🔝歐陸早餐，$118阿豬媽咁大食，梗係要份全日早餐先夠食喇。全日早餐材料都多嘅，價錢就少貴啦，有焗大燒烤菇炒蛋，煙燻三文魚，煙倫巴第火腿，奧地利佳士拿豬肉腸，脆薯格，牛油粟米粒同墨魚汁包。烤菇唔會太老，切出嚟多汁；炒蛋都算滑；煙三文魚有兩塊，唔算太鹹；煙火腿有兩大塊，正常火腿味；豬肉腸黑椒腸， 脆皮有咬口；薯格份量都唔少，炸得好香脆；粟米粒就係罐頭粟米撈牛油，味道正常；墨魚汁包迷你一小個，包質煙韌，微暖。燒虎蝦，$138伴韭菜花，銀芽，菜甫，白飯魚，炸魚條，XO醬豉油。虎蝦有兩大隻，托底有一堆伴菜，以XO醬豉油炒銀芽，菜甫，白飯