三ステーキ (已結業)

網上知道這家來自日本的石燒牛扒專門店，綽頭係自助售票機，自助燒牛扒，自助添飯倒水，見幾得意就同老婆去試試。盤晚上八點半仍然頗多顧客，以為好似麥記坐低才去買票，點知店員要求先購票再分派座位比我，心諗你帶得位就順便幫我落埋單啦！唔洗我第一次對住部幾十粒掣的售票機頭都痕哂！店員態度又麻麻，後面又多人排緊隊......座位比想像中更狹窄，兩梳蕉還可以，我和太太都孭袋就麻煩少少，想放枱底但地下少少濕，結果係攬袋縮肩鋸牛扒。我點了最平的三拍子牛扒，意外的好味，有牛油香而且唔韌，相當滿意，至於太太點的牛柳就好失望。牛扒份量唔多但白飯沙律任添，一定食得飽。只要避開繁忙時間，都是一個食平宜牛扒的地方。雖然帶位店員態度不好，但另一位亞嬸就好好人，唔該哂！

第一次在香港試食自助式石板牛扒店，原來已經開了幾間分店。今日跟大家姐行完書展後去試食，一入舖要先在售票機購買食物（有店員協助），然後才安排座位，灣仔舖面積比較小，加上顧客自取食物，感覺較擠迫。大家姐點了三拍子牛扒（180g）,我選了牛柳（厚切的）（200g），放在燒熱了的石板上，要幾熟可以自行控制（上石板時預設係一成熟的），我的厚切牛柳真係非常厚切，我曾擔心燒唔熟，但其實係唔駛擔心的，逐少逐少咁燒對於想要七、八成熟係無問題的，味道不錯，肉汁豐富，而且仲有多款不同醬汁可添加，很好！即場還有沙律菜、通粉沙律、白飯、牛肉湯、白開水等無限供應，牛肉湯的味道不錯，有點像牛尾湯，味道香濃。如果一、兩個人吃會較方便，形式特別，可以一試。 多人食飯唔會揀

老公話帶我去試新野 , 係懷石料理類既餐 , 自助形式先喺部自助售賣機揀扒類  , 要咩份量 , 拎個計時器落單....坐底等計時器發聲自己去持餐 , 乜都自己拎既 , 價錢包埋白飯 , 湯 , 沙律通粉...任裝 , 牛扒係燒左大約2至3成就放上個舊石比客人 , 客人邊鋸邊自己去"烘"塊肉 , 都OK既, 不過客人要留意進餐進度 , 舊石大約半個鐘開始唔夠熱.....事後老公提我原來希張貼客人可以玟換舊石....我地都總算食得晒個餐 , 成餐食左約1個鐘

去新開的灣仔分店試一下三拍子牛扒及牛柳，一個人自修也不用尷尬，三拍子牛扒$78，飯湯沙律任食，比其他類似舖頭唔駛加$30先有得食飯更加抵，唔駛一百蚊就可以食到牛扒餐，性價比亦高，遲下應會變成飯堂，唯一不足係廳面都幾大油煙，抽風唔係太理想。

Triple Steak 在較早之前已經被傳媒報道，令深水涉人人都想來這朝拜一下，引致每天都大排長龍，都未能一嘗。昨天經過，遠方看到一間很熟面口的餐廳，這正正就是深水埗人氣自助日式石燒牛扒專門店Triple Steak。查看後，原來香港區已開了兩間分店(西環及中環)，這間已經是全港第4間分店了。入座前請先在自動點餐機購買牛扒。而餐廳只有三款牛扒：三拍子牛扒、牛柳、西冷牛扒。再有三種不同的重量選擇，而現時只接受現金(紙鈔或硬幣)。購買後，店員會給你一部bibi機，留意自己的號碼。當bibi機響時，把bibi機拿到前台便可換取牛扒。灣仔Triple Steak 地方不算大，約可座30人左右，店內以一格格的型式設計，而邊邊位置設有獨立的抽風系統。店內更提供了不少醬油服務如:牛扒醬汁、酸汁、茄汁、豉油、黑糊椒、鹽、芥末、拍子蒜蓉….這裏是自助形式，要自己去取沙律(而且有芝麻醬，沙律醬等)、牛肉湯、米飯、水及餐具等，可以自行拎取。廚房利用地玻璃，可清楚看到廚房內的情況。bibi機響了，把bibi機拿到取牛處便可換取牛扒，因鐵板還很熱，牛扒的汁都會四散，餐廳都好貼心加了一張面紙擋著，以防啲油彈出來