九井壽司 (已結業)

Lunch hour在mega box，可以食到嘅野真係好多，今日要介紹嘅係一間日本餐廳。望一望呢度裝修，就知道係以火車做主題，食野嘅位置就好似卡車入面嘅位。連送餐都以火車速遞送到，非常有趣。點餐用呢度嘅平板電腦，輕鬆解決。食物放在火車上火速送到。我點了一碗三文魚海膽丼，附送一碗麵豉湯，一碗沙律。一定要讚下呢度嘅海膽，因為食之前冇諗過幾十蚊食到咁鮮甜嘅海膽，大約有5片左右，都算唔少。三文魚就算係正常水準，大約有5 片左右。另外點咗芝士釀雞翼。 芝士味唔算特別濃郁， 但整體外脆內軟， 都算係一款唔錯嘅小食。

一向是九井壽司的常客,在疫情下沒有帶仔仔出街的情況下終於可以慢慢影相記錄。九井壽司是仔仔稀有可以坐得耐的食店。原因是店內採用日本新科技,每枱電子下單。而下單後,食物會輸送帶形式送到客人枱前,期間亦會發出電車音效,令仔仔慢慢食都唔會悶場。午餐除了有散叫壽司亦有多款定食選擇,我想講!!價錢仲要超親民!!識食回本一定要叫三文魚海膽丼!!$88蚊有飯有湯有沙律!!仲有海膽超大講真呢隻大海膽在日式超市一盒都起碼過200蚊。仲要3大片+4片三文魚刺身海膽超級鮮甜,一入口溶果下真係覺得好幸福!!可惜的是一口食晒三片大海膽,餘下的白飯有點寂寞(笑)角切魚生丼定食$78大約有4-5款魚生,加入大量蟹籽,啖啖肉火炙鰻魚芝士壽司上枱時仲係暖笠笠~正~店內座位寛闊,岩晒一家人過黎一齊食。